[size=5]سلاااامي ..


والله زماااان عن تأليف القصص ..


المهم .. صباح الخير .. مساء الخير .. ابدأ كلامي بهذين التحيتين عساها تنفع المجتمعين العربي والاسلامي .. في هذا المأزق العظيم .. وان يحالفهما النصر على اعدائنا ..


على ما اذكر في عام 1940 م اعلنوا عن قيام الحرب العالمية الثانية (طبعا بين المانيا ودول التحالف).. وانا بصراحه ايامها كنت احب فنون القتال والمصارعه .. واحب اتابع طاش ما طاش.. يعني هذي تقريبا اهتماماتي هذاك الوقت ..

كنت عايش في قرية الشجعان .. وسبب التسميه كان يسكن فيها جدي ومغامراته فيها ..

وفتحوا باب التطوع للي يبغي يشارك في الحرب .. وبكل فخر انا السعودي الوحيد الي شارك .. لان وقتها الناس كانت مشغوله بستار اكاديمي ..


طبعا رحت لوزارة التربية والتعليم هذاك الوقت وقلت انا اسمي (البارقي) دون اليخاندرو وابغي اتطوع للحرب .. طالع الموظف باستغراب وقال لي وش شهادتك ..

قلت : دبلوم شبكات ..


قال اوكي تعرف تسوي كذا -- > قعد يسوي حركة الريوس حقت مايكل ويشكشك على ورا ..

قلت : ايه ..


قال خلاص اعتمد .. وجهز نفسك هذي بدلتك العسكرية وحاول تدبر لك ساكتون ( الساكتون بندقيه هوائيه نصيد فيها عصافير ) .. ويوم السبت الجاي موعد السفر .. الشاحنات جاهزه عشان ياخذونك لمرسيليا ساحة المعركة ..

والله واروح وانا طاير من الفرحة من قدي اول عربي سعودي مسلم يشارك في الحرب العالمية الثانية ..




يوم السبت 11/7/ 1940 م


ركبت الشاحنه ومعي طاقم يوصلوني لفرنسا ويرجعون بالشاحنه ..


ابد سبوعين وانا في مرسيليا.. بصراحه شي ماينوصف .. دخنة القنابل مغطية المدينة والجنود اسمع صراخهم .. واسعافات رايحه جايه ..وانا جالس اتأمل صدمني صاروخ بس الحمدلله حكني شوي بس ..

جاني جندي من التحالف قال لي من انت ومن اي دوله .. قلت انا الجندي رايان اوه <-- متأثر .. قصدي انا الجندي العميد من السعودية .. ابتسم الفرنسي وقال وش اخبار شارع التحلية سمعت انكم تبيعون قهوة فرنسية هناك..


قال اتبعني انا رئيسك .. والله وامشي وراه .. لما وصلنا مخبأ واتوزى فيه وامسك ساكتوني ( تم تعريفه مسبقا ) ..الفرنسي شاف الساكتون حقي ضحك .. التفت عليه وقلت خير لا يكون ذا تمثيل مو الحرب

قال من جدك تحارب الالمان بساكتون .. جاي تصيد عصافير

خذ هالرشاش ..

والله وامسك الرشاش و قمت اتراجف ماعرف له .. واجرب اضغط الزناد .. وشوي قام يخضني الرشاش وداربي من قوته وذبحت خويي الفرنسي .. وامشي على الكتيبه اللي معي كلهم ويدوربي هالرشاش لين قتلتهم ..


اشوف الالمان في الجهه الثانية يطالعوني ويصفقون .. ويناديني واحد منهم واروحله له ... قال انت شجاع وبطل

اول مره في تاريخ الحرب كتيبه كامله يقضي عليها جندي واحد بس ..

اسمع تعال معنا .. رحت معهم وغيرت ملابسي لبست طقم المانيا ...<-- تحمس مع المونديال ..

الحرب استمرت اربع شهور ..

اخر شي قال لي ضابط الماني .. ترا هتلر سمع عن قصة الكتيبه وطالب انه يقابلك ..

بصراحه ماصدقت معقوووووله انا العميد اقابل هتلر شخصيا ..


خذوني للقصر الرئاسي وهناك جلست بمجلس كبير انتظر هتلر .. شوي قام المجلس ومــددو يديهم فوق ( حركة هتلر) ..
انا من الحماس مديت يدي الثنتين ..



المهم جلس جمبي هتلر قال وين تدربت فيه قلت ابد تدربت فوق صطح بيتنا اصيد عصافير .. وعلى هالحال

قال انت بطل .. وعشان كذا بهديك وسام الشجاعه من الدرجه العاشره ..



وابد ومرت الايام وصرنا اصدقا انا وهتلر دايم يدق علي وادق عليه .. حتى كان معاه ( سوا ) والحين غيرها واخذ موبايلي ..


اخر مره قابلته في ماليزيا رايح انا والاهل وشفته هناك .. ميين هتلر انا اقول له .. ابتسم وقال من البارقي الله يقلع شكلك .. للحين حي انت

قلت ابد طال عمرك عايشين بهالدنيا ونراكض ورا الاسهم ..

هلتر: والله انا جاي انا وثنين من خوياي نبي نشوف لنا كم مصنع نووي .. تعرف امريكا مشغلتن هالعالم والظاهر انهم بيخلوني ارجع لحركاتي اول ..


ضحكت انا ووقلت ياهتلر انتبه بس لا يحجرون لك مثل صدام ..

خلك مثلي موسع صدري في هالطبيعه ..


وبعدها افترقنا ..



الله ياخذ عدوكم رجعتوني لشريط الذكريات <-- وش عنده ..


ومرت السنين ..

وهتلر ماات ..


والبارقي ترك الخدمه العسكريه ويعمل في شركة موبايلي ..




المهم ..


لحد يكثر في الاكل قبل النوم ..



ســـــــــــــــــــــــــــــــــــــــلام[/size]