السلام عليكم ورحمة الله وبركاته

أسعد الله أوقاتكم جميعا

بحمد الله عدت من اندونيسيا بعد رحلة دامت 30 يوما مع العائلة استمتعنا فيها وسأذكر في هذا الموضوع بعض الغرائب والعجائب التي رأيناها هناك وانا قلت بعض لأن كل ما رأيناه غريب .(الجزء الثاني)

سأوردها على شكل نقاط للاختصار وقل هرج ماله داعي .

1- حريمهم واااااجد يعني بين كل سته حريم رجال واحد وللمعلومية فانه يحق للزوجه أن تشتكي زوجها ويحكم عليه بالسجن اذا تزوج عليها ( السحالي بينبسطوون ) .

2- نسبة الرجال اللي يدخنون 90% والنسا المدخنات أكثر من 30 % .

3- الاسواق عندهم كبيره يعني أصغر سوق دخلته خمسة أدوار وأكثر شيء شفته سبعة أدوار والاسواق هذي زي أبها مول وطقتها لكن تلقى فيه كل شي يعني ملابس الكترونيات ادوات منزليه حلاقين قطع غيار ( بالنسبة لقطع الغيار يا تكون في أخر دور أو في القبو ) مطاعم مقاهي انترنت يعني على قولة المصارية ( بتاع كله ) وفيها الرخيص والمعقول والغالي يعني اختي شافت شنطة يدوية نسائية سألنا عنها طلع سعرها تقريبا بـ 5500 ريال سعودي .

4- الصينين كثييييييييييير ومحتكرين التجارة الحضارم ماعاد ياكلون عيش معهم .

5- الأطفال الصغار كلهم يعرفون بعض الكلمات العربيه زي ( أعطني فلوس ) أو ( أنا مسكين ) يعني كلمات الشحاذة .

6- تحس أن أهل أندونيسيا كلهم عائلة وحده طيبين لدرجة الخداعة ( الغباء ) يعني لو شاف باب البيت مفتوح لا تسأله ليه دخل البيت !!! .

7- بعض الباعة المتجولين ينامون في عربياتهم ما أدري له ماعندهم سكن أو ان سكنه بعيد ؟

8- اذا كان عندك أرض وبنيت فيها مسجد وأحتجت فلوس يوم من الأشهر عادي تبيع المسجد واللي اشتراه يا انه يخليه مسجد أو يهدمه ويبني له بيت أو انه يحول كنيسة .

9- تسافر من مدينه الى الثانية ما ينقطع بك الطريق يعني لو زي تروح من الرياض الى الشرقيه على طول الخط يمين ويسار محلات لكن لو تبعد عن الخط ما فيه أحد لكن على جانب الخط ما تلقى موضع قدم .

10- أعيد وأكرر اللي يقول اندونيسيا رخيصه قله كااااااااااااااااانت رخيصة .

هذا باختصار شديييييد وترقبو الموضوع القادم رحلة مصورة ان شاء الله .

اتمنى اني اكون قدمت صورة واضحة ...

مع التحية ,,,