ياااااااااولد علامك مسرع ..
<< ينظر مناحي لي نظرات الثقه ويرفع بالمسجل بصوتن مرتفعُُ بالحيل
ليشــــدوا عزازي قائلا ...
هبت رياح الصيف وتغير الجو
وانا وليفي مايداني سمومه <<<< داخل جو مع عزازي
هكذا كان يومهم السابق لكي تتعرفوا على القصه هلموا الى هنا <<< كيف العربي
- جهز كوب شاهي وافصل النت اذا ماعندك دي اس ال - واقرا
ابطال القصه :
مناحي : السوااق وحاصل على درجة دكتوراه في النصب
عويد : راعي سوالف صدزيه ورجالـ (ن) تكانه لكن لاتتوهق في واجد
وليد : هذا رايح غلطه بيننا
البارقي : محدثكم من خلف الشاشه <<< مشكللللله التواضع
هذا ياطويلن العمر ايام كنت بزر بالمدرسه <<< على طريا المدرسه هو لحد الان فيه ناس تدرس بالمدرسه خخخخخخخخخخ <<< تحطييييم
نرجع لمحور حديثنا .. تعرفت على هالحلوين المذكوره اساميهم باعلاه جمعتنا المحبه والاخوه الكاذبه
والدجه وقرادة الحظ كنا ثنين وعشرين ساعه مع بعض وساعتين اقضيهم لحالي لمحاسبة نفسي <<< لايروح فكركم بعيييد محاسبة نفسي عندي يعني اشووف وش سويت مقالب اليوم وش سويت طاعات على قولت الدشير ومادامنا بمحاسبة النفس طرت لي نكته يقول هذا فيه واحد يسال محشش انت دايم تحاسب نفسك ؟؟
قال بعض المرات احاسبها وبعض المرات قطه
وين وصلنا ايه وكنا قراااب مع بعض لدرجه انا مفصلين ثوب نلبسه كلنا عشان ماتفرقنا الظروف
بيوم من الايام اتفقنا انا نطلع كشته للبر يوم الخميس . .
ووزعنا الاغراض على بعض . .
انت يامناحي عليك السيارة والبنزين
وانت ياعويد عليك الفصفص والحطب
وانت ياوليد عليك الخيمه والذبيحه والعزبه وكل شيء ننساه انت تذكره وتجيبه <<< مااقولكم رايح غلطه بيننا
وانا علي قطة الوجه وسجاير الحشيش
جت ليلة الخميس - مدري كيف يحسبونها يعني يوم الربوع بالليل للي مافهم - وتجهزت للطلعة اللي كانت طبعا غير عشانها اول طلعة بر لحالي بدون اهلي << ماصدق على طول حشيش
واجهزلك الملابس والفروه والعلوم السنعه مابي البرد يدخلن لبست لبس صرت ضد الرصاص مو البرد وبس





ومع صلاة الفجر وانا جاهز وماخذت شوي الا مناحي يدق علي دقه ويفصل <<< مشكلة بطايق السوا
هذا معناها بيننا يعني اطلع تراي برا وانا اطلع الا والشباب كلهم جاهزين وجايبين ذاك الخروووف اللي وش تقول كنه جمل من كبره واركب معهم وننطلق وياويلك يالبر وماجت ساعه ونص الا حنا بالموقع على بعد 250 كيلو عن الديره << ماهو بصاحي مناحي مخلي الشاص لومينا
يوم نزلنا الا الساعه سبع ونص وثلاثه وثلاثين ثانيه << عشان تدخلون جو مع القصه وننزل اللاغراض ونبدا بالخيمه وجلسنا لين الساعه احدعش وحنا ماخلصنا اخر شيء سوينا اجتماع عاجل شلون نبني الخميه واللي يقول نرجع احسن والثاني يقول مامعكم كاتالوج لها وتجي على بالي فكره جهنيمه انما ايه وهي ندور بدو حولنا ونتسلف منهم كم واحد يبنون لنا الخيمه
وماصدقنا خبر قمنا نفر حوالينا لين طحنا بناس نشاما يوم وصلنا لهم قال عويد خلوهم انا ابتفاهم معهم قلنا خلااص بس لاتفشلنا جبها باسلوب ..
وندخل عليهم ويرحبون ويهلون فينا ونجلس ببيت الشعر اللي وش زينه ويصبون لنا القهوه وبحركه سريعه << دخل جو
يشر لنا عويد يعني لاتشربون القهوه انا ووليد نزلنا الفناجيل والكمخه مناحي قعد يشرب وش هالثور ذا اللي خرب الخطه وماصار لنا مجال ان نشرب حتى حنا القهوه ورضخنا للامر الواقع وشربنا فناجيلنا بكل دلاخه واشر لعويد يعني شف لنا خطه غيرها ومادريت الا عويد ينقز قدام الشيخ ويقعد ويقول : ياقاضي ياقاضينا ياللي بالحق ترضينا جيتك هدي قدي وافلح من صلى على النبي <<<< بالغصب حفضتها
قال الشيخ وش عندك ياخو العرب قال نبي فزعتكم ..
ويخبط الشيخ على صدره مثل طرزان ويقول ابشر بعزك كم تبي فارس يروحون معك
قال عويد : ثنين يكفون
ناظر لنا الشيخ مثل اللي يقول انه متحسف على هالفزعه
المهم ركبوا معنا هالفرسان << صرنا ست اشخاص بغماره وحده كيف مدري
ويستلمهم مناحي طول الطريق نصب
مره يقول انه هو اللي اغتال جون كندي
ومره انه صاحب بنك البلاد <<< مايمديكم
وخذ من هالسوالف وهم على نياتهم مصدقين
مالكم بالطويله ... وصلنا لموقعنا وساعدونا بنصب الخيمه ويوم خلصوا عطيناهم عشره ريال
وقلنا ارجعوا بتكسي <<< كيف النذاله
وجلسنا بالخيمه ووناسه ولعب بلايستيشن وفله على الاخر
ويوم صلينا الظهر ويقوم وليد ويقشر الخروف
ونصلي العصر << لاحظوا الوقت يمر بسرعه ومع مغيب الشمس والغداء جاهز ولاتسالوني عن الغداء غمضت عيوني وقعدت اكل <<< عشان ماتذكر اللي اكلته اذا كبرت وبعد العشاء << صار عشاء
جت خرمت التتن ومو اي تتن ...
حشييييش يعني جووو <<< انصحكم تجربون ياشباب عاد اذا حششت من المتعارف عليه بين الزقرت انها تمسك على شيء يعني بعض المرات تمسك معك على التفحيط تقعدت تفحط لين تنقلب ومرات تمسك على طواعه ومرات تمسك على سوالف كذا ونصب خوينا وليد تدرون وش مسكة معه ؟؟؟
الا بيسوي قووي ويقعد يهايط
ويكمخ فينا لين قلنا العيد امس
وبعد فتره ليست بالقليله رجعت المياه لمجاريها وعقلت جنون وليد
وساد الهدووووء على الجلسه ... ريثما نحن كذلك <<
ويقوم وليد ويسوي حركة سوبليكس <<< متاثر بالمصارعه
الا هو كاسرن يد عويد
وهو يصحى مايدري وش السالفه يبي يرقع الموضوع يدور زر تراجع الا السالفه اكبر
ويقوم عويد زعلان ويصايح : من اللي كسر رجلي من اللي كسر رجلي .. ياخي كان علمني اجيب سبير معي <<< الرجال منتهي من الحشيش
ومع تاثير الحشيش جلس دقيقتين يناقز بالخيمه ورقد
فاصل -
تصدقون اني تعبت من الكتابه
مابقى الا انا ووليد ومناحي صاحين جسدا ونايمين عقليا
ويقعد مناحي يسولف لنا لما كان بلبنان >>>>>>اللهم انصر اخواننا بلبنان
ويقول ياعيال ياهناك طبيعه وناس كانك برا السعوديه << لاياشيخ
وذكر بطولاته وصولاته وجولاته بارض لبنان لين قضت فلوسه ورجعوه بطايرة شحن
وخذ من هالسوالف لين داخة روسنا زياااده
واذ بالنوم يتسلل الي ويخطفني << من زينك
وادخل في ذاك السبااات الطوووووووويل ...
وانا في عز النومه واحس فيه شيء قاعد يلعب بشعري باصابعه <<< وائل كفوري على غفله
قلت ياولد هاذا < المخرج يبيني اكتبها كذا
واحد من العيال يتحلم واخذ دور الام الحنون على حسابي
قلت خلني اتاكد واطلع يدي من تحت البطانيه والمس اليد ....
<<<<<<<<<<<<<<< عيون المنخرع








وش هاليد الناعمه
وافتح عنوني واناظر وماشوف شي من الظلام
واقوم واشغل لمبة الغرفه <<< ماهو بخيمه ابد
الا هذي جدتي رهف
وش ذا .. صدق كذب .. ياولد هالعجوز ذي وش جايبها للبر لا وداخله جو قاعده تغني الاماكن كلها مشتاقه لك قلت ياجده انتي وش عندك بهالبرد <<< يصرف
الجده : <<< مثل كتاب القراءه ياوليدي خفت عليك من العقارب ..
قلت لا ماعليك ترا حنا بعز المربعانيه يعني مافيه عقارب ان شاء الله
الا وتعصب العجوز وتقلب عيونها حمر قالت انت تعلمني بعد هالعمر الشرهه ماهو عليك الشرهه علي اني خايفتن عليك يله قم ودني البيت
انا : اي بيت الله يهديتس
الجده : بيت جيرانا .. بيتنا ياهالدلخ
انا : طيب خليني اسرق المفاتيح من مناحي واجيك .
الا يوم تحذف علي المفاتيح تقول خذ .
انا : بسم الله من وين جابتها ذي
المهم قمت وشغلت السياره وركبت معي
ونمشي وحنا ساكتين ماحد تكلم
وشوي ويدق علي مناحي . . كالعاده دقه ويفصل .. وادور جوالي ابتصل عليها الا انا ناسيه <<< كيف دق عليك طيب .. لاتدققون واجد المخرج يبي كذا
والتفت علي جدتي رهف واطلب جوالها وتفتح شنطتها وتمد لي الآي ميت حقها << حركات جدتي
وش هاليد هاااذي يمااااااااااااااااااااااااااه وانقز من السياره وهج على رجولي ..
وهذاك اخر خبري بالبر ماصحيت الا ببيتنا
يوم سالت اهلي وش اللي صار قالوا مالقوني الا بعد اسبوعين متعدي اليمن وطايح <<< صار بعير ماصار ادمي
وحرمت بعدها اني اطلع للبر مره ثانيه وانا ماقريت المعوذات وسورة البقره وكل الادعيه
The End
مابغيت اخلص

مايستفاد من الموضوع :


1 - لااحد يطلع البر الا مع ناس تكانه وانصحكم بالجارمن ....
2- احرصوا على اذكار الصباح والمساء عشان ماتخافون من شيء....
3 خلاص احمدو ربكم....