السلام عليكم ورحمة الله وبركاته

أسعد الله أوقاتكم جميعا

بحمد الله عدت من اندونيسيا بعد رحلة دامت 30 يوما مع العائلة استمتعنا فيها وسأذكر في هذا الموضوع بعض الغرائب والعجائب التي رأيناها هناك وانا قلت بعض لأن كل ما رأيناه غريب .

سأوردها على شكل نقاط للاختصار وقل هرج ماله داعي .

1- تقديس المسجد والعبادة بشكل عام فمثلا صناديق التبرعات من الزجاج وتكون موضوعه عند الباب ولا أحد يأخذها وقال لنا المترجم ان شخص حاول سرقة صندوق تبرعات فضربه أهل الحي حتى مات .

2- الخطيب في الجمعه يبدأ الخطبه بالعربي المقدمه فقط وبعدين يتكلم بالاندونيسي وقبل الخطبة يمررون بين الصفوف صناديق للتبرعات تحط فيه المقسوم وتدفه للي جنبك .

3- اللي يطلبون صدقه بشكل مباشر قليل .... كيف يطلبون ؟ اذا كنت موقف وتبغى تطلع يجي يأشر لك حتى لو ما فيه الا انت في الصحراء طبعا ما عندهم صحراء لكن لازم يأشرلك ويجي بعدين عند شباك السواق يعني أعطني الله لا يهينك . أو اذا وقفت عند اشارة جاء يمسح القزاز أو يجي يدق عود مو عود عود قيثارة مدري وشي الل معهم <<<<<<< يفهم في الآت الموسيقى ... الخ .

4- الشجر في كل مكان حتى المدرجات تحس انهم زارعين حولها وهي طبيعية وأطراف الازفلت نابت فيها شجر .

5- أي مكان تروح له تدفع فلوس حتى مواقف الاسواق والسوبرات والمساجد والطريق السريع والحمامات العامه – الله يكرمكم – يمكن لو تكح أخذوا عليك فلوس للكحه !!!!!!!

6- عندهم العري شيء طبيعي يعني مره شفت وحده رايحه للمسجد ولابسه شورت من فوق الركبة ودخلت المسجد ولبست اللبس الابيض حقهم وصلت وطلعت وطبعا أي مسجد لو يكون مترين في مترين لازم فيه مصلى نساء ويكون في مصلى النساء من لبسهم الابيض سبيل للاخوات اللي يلبسون قصير .

7- ان كثير منهم ما يعرف السعوديه بس بيني وبينكم احس انهم كذابين لان الشغالات اللي يجون كثير واللي يحجون ويعتمرون كثير المفروض ان هذولا واهلهم يعرفون السعودية .

8- وكل مكان تروح له في موسيقى ويقولون الموسيقى حلال وكلمت المترجم قلت له انها ماتجوز قال من اللي قاله قلت الشيخ ابن باز قال من هو ؟ قلت طيب ابن عثيمين قال منهو ذه ؟ غسلت يدي منه .

9- اهلها قذرين في كل مكان تروح له تلقى الارض وسخه وبراميل الزبايل حقتهم ما يشيلونها هذا اذا فيه براميل يحرقون اللي فيها مكانها ( لان براميلهم من صبات )

10- اللي يقول اندونيسيا رخيصه قله كااااااااااااااااانت رخيصة .

هذا باختصار شديييييد وترقبوا الجزء الثاني .

اشكركم مقدما على الردود الحلوه <<<<<<< نوع من انواع الشحاذة