ادخل لا تتفرج من برا ((بتعجبك))
.
.
.
.
.
.
.
.
.
.
.
نخش في الموضوع على طول!!!!!!!!!!!!!!
من اول كنت معارض مسالة الزواج والارتباط وكل ماجابو هالسيره احاول اتهرب واغير الموضوع بصراحه حياة العزوبيه عاجبتني ما ادري احس ان الزواج بيقيدني وتوي في اول شبابي وهذي الصوره كثير ما اشوفها في حياة المتزوجين واللي زاد الطين بله هي المسلسلات التلفزيونيه والافلام العربيه اللي صورت الزواج انه خصام وخناق وتعقيد وتقييد واقول في نفسي ليه وانا ويشلي بالزواج وبلاويه؟

بدايت الزواج طقطقه وعرضه ولعب ((وابسط ياعم ) واخرته قهر ومشاكل و المره تبغى والعيال يبغون وفي الطالعة والنازلة وين رايح ومنين جاي على قولة القايل ( يامن شراله من حلاله عله ) وانا وشلي بها العله .
بصراحه كنت ماخذ الدنيا عرض وطول ومبصووووووووط لكن وين بروح من الوالده اللي عسى ما تشوفني مسوي شي قالت اسطوانتها. وبصراحه مع اصرارها والحاحها اللي شلع قلبي خلاص. استسلمت للامر الواقع وافقت . وكل يوم واصفه لي بنت وهذي طويله وهذي قصيره وهذي عيونها حلوه وهذي شعرها طويل وبعد عملية الاقتراع وبعد السؤال والتأكد كان القرار الاخير اني عزمت اخطب ..... وعلى خيرة الله توكلنا ولبست هالثوب والشماغ ومكشخ حتى اني فكرت امشي لبيت اهلهم على ارجولي واترك السياره عشان ما يتعطف الثوب .استقبلونا الجماعه احسن استقبال ويوم دخلنا بالموضوع وطلبنا يد البنت بالشكل الرسمي كان الجو العام هادي وحسيت الجماعه ما عندهم مانع خاصه بعد ما شفت بعيونهم الفرحه فاستبشرنا خير لكن كان رد ابوها رد تقليدي وقال عطونا فرصه نستشيرها ومالكم الا طيبة الخاطر.
ورجعنا البيت وبنظر امي انا الحين متزوج كل ما شافتني.. قالت هلا بالمعرس وكل ما تحركت المعرس المعرس..لين مضى اسبوع على الخطبه ورحنا بنشوف الرد وبعد ما قعدنا شوي تكلم ابوها وقال مبروك ياجماعه(( يا سلام لو تشفون خشتي يوم قال مبروك)) انبسطوا الوالد والوالده. وامي قالت لي ان العروس مبسوطه وفرحانه وكل واحد يبارك للثاني. وبعد هالفرحه دخلنا بالموضوع الجد وهو المهر . ويافرحة ما تمت شوي وجتنا صدمه. الرجل يبي140الف ريال واربع طقوم ذهب غير لوازم العرس والاثاث وشرط اساسي بيت لوحدها بدت الخصمه بين الوالد من جهه والنسيب الجديد من جهه طلع الوالد وهو زعلان وحاولت انا اهدي الموضوع لكن النسيب معند وما عنده غير هالحكي شي ويوم شفت السالفه كذا قمت وقلت له ياعمي جدي وجدك وانت نفسك ما تزوجتوا بمهور خياليه واول المهر اما بخياش تمر ولاغنم . شسالفه خليتوا اسعار المهور ترتفع على ارتفاع اسهم الاوبك.
وبعصبيه قلت له .. ياعم انت مسلم وطنقر ابو العروسه علي وقال غصب عليك شقاعد تقول ياولد ؟
بس انا ما عطيته فرصه وصرخت في وجهه وقلت له .. اسمع اليهود كانوا يزوجون بناتهم لكل واحد يخدمهم اربع سنوات او خمس شوف النشاما وبافريقيا ياخذون مهور بناتهم غنم وجلود حيوانات اماالنشامة والتواضع عند الصينين ما يطلبون شي ديكين واربع خنازير واربع سمكات وهذي الطريقه موجوده عندهم من زمان مو 140 الف . الله اكبر عليك اتخلي بنتك اتعنس بهالطريقه. وبعدين انا طالب يد بنتك او يد خبير طيران؟الظاهر بتزوج كرستينا انجلو ولا جينفر ..ترا أنت واشكالك وامثالك هم سبب العنوسه بالمجتمعات.
قال ابو العروس من اللي طاقك على يدك وقال لك تعال اخطب بنتنا. قلت له ما ابيها وانت بنتك نقعها في ماء واشرب مويتها. وانا بتزوج من برا درزن بمهر بنتك هذا وش درزن بتزوج عشر طعش وحده هذا اخوي متزوج لبنانيه بسم الله ما شاء الله اقسم بالله وبدون مبالغة لو بيدي لاعطيها وسام ملكة جمال العالم وتكاليف الزواج كاااااااااااااااااامل بكل شي ما تعدى 25 الف ريال .
وذي هي وخشتها طالب 140 الف ريال غير التكاليف!!!!!!!!!



ما هو الحل مع امثاله. وكيف تتصرف البنت؟.......
هل يدفع المهر للابو حتى يتم اعتاق البنت من ظلمه ومنعها من زيارته لانه باعها بالماده؟
هل تنصحون ان اشتكي على ابو البنت للقاضي وليس مهم ان اتزوج البنت ولكن المهم ان البنت لا تستطيع ان تشتكي ابيها وهي المظلومه بهذه الطريقه؟

في النهايه اقول ما معك الا خشمك حتى لو كان اعوج