السلام عليكم ورحمة الله وبركاته...
أخواني اعضاء منتدى شبكة أهل الجنوب الكرام..
لاشك إن كل شخص مرت عليه مواقف محرجة..يعني مواقف يتمنى إن الأرض تنشق وتبلعه!!
الزبدة..أبغاكم -إذا تكرمتوا- تدخلون وتكتبون أشد موقف محرج مر عليكم..
وفي النهاية راح يطلع عندنا مجموعة من المواقف ولا أروع..
وأنا أول المبتدئين..
مرة من المرات كان عندنا مدرس سوداني يدرسنا إنجليزي..المهم المدرس هذا توه مطلع جوال سوا..ولا يعرف كيف يفعل الخدمة..فقال لنا يا شباب من يعرف يحل المشكلة..قام محسوبكم وقال أنا يا أستاذ..المهم أخذت الجوال ودقيت على 1500 وقاعد أستمع للرد الآلي..شوي وتجمعوا الطلاب عند المدرس وقاعدين يسولفون بصوت عالي..أخوكم ما صار يسمع زين..أزعجوه الطلاب والمدرس وهم قاعدين يسولفون..طبعاً أنا طرطعت لأني كنت مركز..وشوي فجأة كان المدرس يسولف وكنه صوته ارتفع وغطى عليّ يعني ما صرت أسمع المكالمة..وفجأة وبشكل غير متوقع..قلت له..ياخي أسكت!! بصوت عالي كذا وأشرت عليه بإيدي..كنه أصغر أخواني..بعدها شفت الطلاب يضحكووووووووون عليّ..ويوم شفتهم يضحكون..توني أستوعبت الموقف..ووجهي طلعت فيه ألوان الطيف وتمنيت إني ما داومت ذاك اليوم..بس الحمدلله المدرس طلع متفهم وبرر موقفي بأني كنت منهمك ومشاها لي..
وسلامتكم وأعتذر عن الإطالة..
وأتمنى منكم المشاركة..
أخوكم/ولد غامد ،،،
.:: منتديات شبكة اهل الجنوب : صفر 07 سبعه ::. 
ياليت الأرض انشقت وبلعتني!!
- - - )) تعالي اكتبي الاسبلنق حق كلمة
العرض العادي
