مشكلة لا صرت تعطي ما تقدر عليه يمناك

ومشكلة لا ردوك بالجفا والخيانة

صعبة تقنع احساسك وترفع عنهم مستواك

وصعبة كل ما قابلك بالجفا والذل تقابلة بالاهانة

وكبيرة المشاكل لاصرت ما تعرف تقول لا حتى للي جفاك

تظهر طيبك وحسنك وكلا يمنع عنك حنانه

ومشكلة لاعرفت ان عدوك هو من رفعته في سماك

وخليت رأسه واسمه في أعلى سحابة

وصار هو خويك وهو مرادك ومبتغاك

وصرت تخفي أسرارك بجوفه وتحاول تراعي إحساسه

وفي النهاية شاف غيرك واغتنى عنك ورماك

ووقف بصف أعدائك بعد ما كانوا اعدائة

يعلم الله أني كنت وفي ومخلص وما أبي ألا رضاك

ولو تطلب عيوني باقولك خذها مالي فيها حاجة

إذا غرتك الأماني وتبي مصلحتك ودنياك

الله معك قلبي يودعك ويتمنى لك الهناء والسعادة

لان مافي حياتي مكان يقبل من يفكر في ذا وذاك

ولا يراعي احساس مرهف ويحاول يصد ويقابلك بالخيانة

اعترف حبيتك وكنت في حبك اقترب للهلاك

ولا جاء طاري الفراق اتعوذ واقول استحالة

واعترف اني شفتك واشوفك وبأشوفك للحين ملاك

واعترف ان غلاك في قلبي مكانه هو مكانه

بس عنادك وغرورك وطبعك الحين جبرني ادوس قلبي واتحداك

وابتعد وارضى بقلبي وعذابة

واخليك تجرب الحياة بدوني وبتشوف دنياك

واسافر عنك وبتذوق لذة الخيانة

في ختام قصيدي اوعدك لأبكي على ايامك وهناك وذكراك

واوعدني حبيبي تذكر ايامنا بالخير ولا تنزل علي دمعة ندامة


مع تحياتي
فيفي