عطيتك الحب مني والوفا كله
اخلصت لك دون كل الناس يا(الغالي)

اتحمل الهم من شانك ولاامله
واقول ابارتاح مادامك على بالي

وفيت لك ما حصل مني ابدْ زلة
رهنت لك . . نفسي . . ووقتي . . وجوالي

جفيتني دون ما ذنبٍ ولاعلة
ماتدري ان الجفا للقلب قـتـّـال ِ

عشت الامل قلت يمكن تسمح بطلة
والا تكلمني وتسأل عن احوالي

لغز الجفا قلت يمكن يقترب حَـله
والله ماطعت حُسادٍ وعُـذال ِ

قالوا حبيبك نساك وقلت انا لله
هو قد حلف لي وانا مااخبره محتال ِ

هذا الوفي والوفا له طبع ٍ وملة
اكيد ما وده بهمي وغربالي

درب الخيانة ما كنت اظنك تدله
وما كنت اظنك بدوني عايش ٍ سالي

وما كنت اظن الخليل يقاطعه خِـله
ولا دريت ان قلبك اجوفٍ خالي

اليوم بادفن غلاك ولا معي ذِلة
ماذلني الحب والا هجر الانذال ِ!