شاب لن أقول أنه (عاق) لوالدته لكنه من المؤكد أنه (غير مطيع) وذاك يتضح من قصيدته الحزينة جداً ..
هو أيضاً متهور في قيادته .. تعرض ذات مره إلى حادث وكانت معه أمه فتوفيت وبقي هو علي قيد الحياه وكتب هذه القصيده :

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني..
وانا ابكـي واتنهد وارسـم بالحزن لوحات
يجبروني عشان امشي ورجلي ما تمشيني ..
قتلـت رعايتي بيدي قتلت الـحب والرحمات
حرمت النفس من حقهاواناابكيهاوتبكيني..
وكنـه حلم قدامـي يقيدني مـن الصرخــات
ابي اصحى ولكـن مالقيت اللي يصحيـني..
فداك القلـب يايمه ومهما قلت من كلمات
صغيره في كبر حقك بس اتمنى تعذريني..
نهبت الفرحه من بيتي صحيح اني خسيس الذات
صحيح اني ولد طايش وكل ماأسمعه فيني..
تـجول عيونـهم فينـي تفـصل مني قياسـات
وتشيح وجوههم عني وكني غيرت ديـني..
يظنـوا حزنهم اكبر وهم اصحاب هالمأسـاة
وانااتحدى اذافيهم ربع مايحترق فيني..
نقـص قدري بعد موتـك وغابت نشوة اللذات
وصار الهم عكازي اباكيه ويباكيني..
عطيتيني بدون حساب ولا سمعتك تقولي هـات
وانااشرب حيل من دمك ودمك مايكفيني..
يايـمه ارجعي كافي ابجلس معك لو لحظـات
واقبل ايدك ورجلك وافرش لك رمش عيني..
يايمه ما تحملهم يقولوا فات ما قد مـات
تعالي غيري هالقول واطيعك باقي سنيني..
واترك عادة التدخين وانفذ ما تبي بسكات
واصلي الفجرفي المسجدقبل منتي تصحيني..
يايـمه ارجعي تكفين وطفي شمـعة الآهــات
ابيك انتي ولا غيرك على موتك تعزيني..
وضمينـي وداوينـي مثل ما كانت الـهقوات
ماابي احدن يواسيني ابيك انتي تواسيني..
دخيلك بس لا تبـكي اذا شفتي بي الدمعـات
انا مقوى ابكيك اذا انتي تبكـيني..
ختاماً :
أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله ....