اقدم لكم قصيده للشاعر حامد زيد من بداياته
ومن اقوى قصائده
انشاء الله تحوز على رضاكم

أنـا ربـتني الـدنيا عـلى جـزل العطا والجود
ونـفسي لـلوفا والـطيب وفـعل الخير جزامه
وأعـارض مـنهج الهابط وأوافق للصعود صعود
وأسـيّر نـفسي بـعقلي مـدام الـنفسiهـدامه
ولا تـثّر بـي الـبسمة ولا كـحل العيون السود
ولا يـقوى عـلى قـلبي صغير الحسد وأجسامه
أردّ الـجود بـأمثاله وأقـابل بـالجحود جـحود
وتـرى لا خـير فـي رجلٍ يوطّي للردى هامه
وعـندي مـع أهـل العِليا مواثيق وثلاث عهود
أوفــي لـه مـطاليبه وأودّه وأرفـع أعـلامه
أعـايش مـركب الـدنيا عـلى متن القدر مولود
أبـعرف هـو صـحيح إنّ القدر بالناس دوّامه ii؟
ومـن ويـن الزمن مقبل وإلى وين الليال تقود؟
ومـن فـي هـالزمن يقدر يوجّه خطوة أقدامه؟
ومـن له بالزمن غاية ومن عنده هدف منشود ii؟
ومـن مـنّا قـدر يـعرف خـفايا مقبل أيامه ii؟
عـرفت إنّ الشقا باقي ، عرفت إنّ الحسد موجود
عـرفت إنّ الـقدر يـفرض علينا بأسوأ أحكامه
لـقينا الـعرب حـاسد وشـفنا بالعرب محسود
وبـه نـاسٍ لـنا ضـامت ، وبه بالناس iiمنظامه
ويـنقص بـعضنا خـوّه ويـنقصنا وفاء iiوعود
مـدام الـحسد بـاقي وبـعض الـناس iiنـمامه
ولا تـرجى بـها الدنيا من ربوعك يجيك iiاسنود
ولا تـشره عـلى رجـلٍ عـيونه خانت iiأقدامه
وقـابل خـطوة بخطوة وجازي بالصدود iiصدود
تـناسى غـلطة الصاحب عليك بلحظة iiاخصامه
ولا تـخطي تـرى لصبر الحليم اليا سلاك iiحدود
تـروّى واعـرف بـضرب الحديد تفكك iiلحامه
تـجنب كـسرة الخاطر ولو حبل الزعل iiمشدود
تـراك بـكسرة الـخاطر حـكمت القلب بعدامه
ولا تـزعل عـلى رجلٍ بذل لك ولرضاك iiجهود
ولا تـامن مـن الـحاسد رضـاه ورفعة iiابهامه
نـبي نـصبر عـلى الـدنيا قلوبٍ بالحياة iiزهود
مـدام إنّ الـبخت عـيّت تـوّفق رمـعة iiسهامه
وأنـا مـا قـلتها راجي ولا أطلب بعدها iiمردود
ولـكـن الـفـتى ودّه يـحقق جـملة iiأحـلامه
وبـمشي لآخـر الـدنيا ولـو كـلّ الأنام اقعود
وعـن وجـه الـزمن بكشف حقيقه وأرفع iiالثامه
صـحيح إنـي صغير السن ولكن ( قدها وقدود )
وأنـا عـندي مـع الـدنيا مـواقف ترفع iiالهامه
طـموحي يـملي الـعالم ولابـه لـلطموح iiقيود
مدام إن الأمل طبعي ( عرين وصرت ضرغامه )
خـلقنا الله مـن تـرابه ولأحضان التراب iiنعود
تـحت رمـل الـثرى نبقى تغطي جسمنا iiخامه
سـلفنا مـا لـحقناهم تـحت قـاع التراب iiرقود
ولا يـبقي مـن الـميت سـوى ذكراه iiوعظامه
ولـو طـال العمر فاني وترى عمر الفتى iiمحدود
وكـلٍ يـطلب الـمولى يـبيحه يـحسن iiختامه
وأنـا بـلّغت بـلساني وربـي والأنـام iiشـهود
وصـحف الـبيّنة جـفّت وعـنها رفعت iiأقلامه

حامد زيد

تقبلو تحيات ابو رنا
وان شاء الله يعجبكم انتقائي لهذي القصيده