ضاقت علي دنياي وايش الطريقه=ان كان هذا الفعل من فعل الاقدار
هذا الزمن قاسي وما اقدر اطيقه= والحر يبقى حر وعياله أحرار
يا لعنبو من ينكر اصل الحقيقه= ان كان هذا صار وش له بالإنكار
مثل الذي يكتم على اهله شهيقه =وهو في الواقع عليه الزمن جار
والله ثم والله غربه زهيقه = تزهق اللي ما زهق طول الإعمار
ياوالدي بالقلب احس بحريقه = حريقة اللي في زنازين محتار
لو غربت تشرق في القلب ضيقه = واغرق بهمي في دهاليز الافكار
طول الليالي ما غفينا دقيقه = وان نمت اصحى من الكوابيس تكرار
ياوالدي العين دمعي تريقه = مشتاق لك يا به وانا لك ولد بار
يا الله تجمع كل أخ بشقيقه =وتلمهم ما غير في الخير في الدار
يا هاجسي مولاك نشفت ريقه= خلى المخبأ في ملفات الاسرار