تدري وش اللي يصدم الرجال في بعض اخوياه
وجودهم في النايبـات الملزمـه مثـل عدمـه
وتدري وش اللي يقهر الرجال ويبيـن خفـاه
الا بغى المحـزم ولا عيـن ذخايـر محزمـه
من غير ربعٍ ينقلون الحمل جعل امحق حيـاه
امحق حياةٍ توجع الرجـال غصـب وتلزمـه
وين الرفيق اللي الى ابطى صاحبه يومين جاه
يفرح الا شافـه وياقـف لاتضايـق وزهمـه
لايارفيقي والعزيز الى خطـا يدمـح خطـاه
ماهو يدور زلـه الصاحـب وعثـرات قدمـه
ياصاحبي والطيب لاهل الطيب مايخفى نبـاه
الطيب لطيـب بلـد محكـوم والذكـر علمـه
وش لي برفقه واحـدٍ لاحتجـت لقانـي قفـاه
بلسانه ابشر با السعد عونك وبا الفعل رخمـه