[align=center][align=center]دوارة يا ساقية علينا
ساعة تخطينا
و ساعة بتروينا


الأرض كانت عطشانة
فحتولها ترعة نواحينا
و لسا مشدش عودها
قالو الترعة كبيرة علينا
كفاية تجر الساقية المياه
من أرض واحد جنينا



البت حلوة في الأفيش
لابسة يادوب حبة هلاهيل
متيجو يلا شوية نعيش
و نشوف رقص و مغنى جميل



و شباب ماليين القهوة
خير ......... ؟
هو النهاردة ماتش الكاس
كاس مين يا عم انتا و هوا
هو كدة حال الناس


طب مين خد الدوري امبارح
الأهلي و لا شبين الكوم
و لا الزمالك بعد ما دكو
الأهلي خلاص فاق مالنوم



دوارة يا ساقية علينا
ساعة تخطينا
و ساعة بتروينا


يا ناس حرام شوفولنا حاجة
الساقية كبرت
و المياه عطشت
و الأرض بارت
هو احنا لسا شفنا حاجة ؟

دي سيما أونطة و فلوسنا راحت
عالسجاير و التليفونات
هو يعني حتى الواحد
مش عارف يبقى بتاع بنات

الجون دة جامد و جه ف وقتو
يا رب سلم دة الشوط خلاص
يا حمار اقع و خد بلنتي
هو حد شايف ولا عندو احساس


دوارة يا ساقية علينا
ساعة تخطينا
و ساعة بتروينا


الأرض بارت
و بلدنا خربت
و مالو مهناك بيقولو فيه عمار
عمار يا بلدي
يا داهية دقي
ليكون صحيح الجون حمار

و الجون ماهو أصلو حارس مرمى
و الحارس طلع مسعور
قال مبحبش شغل اللمة
و الكل يقف ف الدور


استنى دورك يا بني ايه
هو انتا فاكرو طابور الفرن
دة انتا متساويش جنيه
و شكلك جاي من جنب الجرن


شيش جوهار
لأ دة دش
مش هتبطل في الناس تغش
دي لعبة يابني مش هزار
سيبونا منها
تعالو نلعب دور كومي
و اهو ناس تبصر و ناس تقش



دوارة يا ساقية علينا
ساعة تخطينا
و ساعة بتروينا


ادينا جينا عشان نعمر
م التقينا الا الصفار
دي صحرا يابا
هيا دي تعقل
دة ميستنناش فيها حمار

ياعم دورك هي سايبة
عايز تيجي و تقف قبلينا
بتتخانقو ....جتكو نايبة
دة دور و ماشي و جاي علينا


بلدنا هناك جنب السجرة
و البت لوزة زي الغزال
لما بتملى مالترعة قلة
اللي بينزل فيها العيال


دوارة يا ساقية علينا
ساعة تخطينا
و ساعة بتروينا


مش دولا يابا
دول ناس غلابة
ميخوفوش
و ان رحنا أخرنا
هيقولو خدتهم نداهة
زي غيرنا
و لا رجعوش


الترعة فيها بلهارسيا
و الواد مخيمر
راح عالوحدة ياخد دواها
ماهيا شوطة و فينا ماشية
و محدش عارف فين مداها

استنى يا عم
خلاص هقش
معايا الكومي
هو الأهم
مش تقولي شيش و دش[/align][/align]
[align=center]إم معن[/align]