مساء الخير ...وإجازة مبروكة ..وزي ماأنتم عارفين الإجازة زينه والأزين منها أنك ماتشوف شيء اسمه نهار يعني الليل سهر والنهار نوم طبعاً سبحان الله حتى وأنا نايمه
أحلم أني برىىى .. طبعاً مو هذا موضوعنا .
موضوعنا هو
ان إحنا كإناث نحب الكشخه واللبس ونتابع الموضة بشكل كبير
نهتم بآخر صيحات الملابس وتسريحات الشعر
واللزي منه
وطبعا هذا الشي طبيعي والكل يتفق عليه
ان المرأه لازم تهتم بنفسها وبلبسها وبشكلها
وما ننسى كمان إن هالشي غريزي فيها
وما نغفل اهتمام المرأة ببشرتها ونضارتها
تلاقون البنت اللهم ياكافي صحن سلطه على وجهها
عشان تضل بشرتها نضره ومتألقة
وما ننسى باقي مقاضي البيت إلي نشوفها على خششهن من بيض وزبادي وخميرة وماء ورد .... الخ
وطبعا ما ننسى الكريمات اللي معبيه الأدراج واللي ثلاث أرباعها مالها فايده
وبرضو نستخدمها
إلى الآن الوضع طبيعي وما فيش مشاكل
لكن في الفترة الأخيرة ماصار الاهتمام مقتصر على البنات بس
حتى الشباب صايرين يهتمون في أنفسهم
وبرضو إلى الآن كلامي منطقي ومافيه شي غلط ~> شكل موضوعي بينحذف
إللي أبي أقوله وأوصل له بعد هالديباجه الطويلة العريضة
هو كالتالي/
بالنسبة لاهتمام الشاب بمظهره الخارجي
هل هو شي مطلوب أو لا ؟؟؟
خصوصا انه يلاحظ في الفترة الأخيرة إن الشباب الله يهديهم ويصلحهم ~> قلبت عجوز
شوي ويسحبون البساط من تحتنا إحنا يالبنات من ناحية الاهتمام بالشياكه والاناقه
حتى اهتمامهم بالبشره صار مثلنا ويمكن أكثر
مابقى ماسك أو كريم إلا ويحطونه على خششهم البهية
وكل يوم والثاني رايحين الحلاق عشان يسوون تنظيف وفتله
وإذا الواحد طلعت له حبه في خشمه سوى مشكله وماعاد ينام الليل منها (جاه ارق المسكين من هالحبه اللي طلعت له.. ومن يقدر يلومه حبه وفي خشمه بعد الله يصبره)
زبده الحتسي إللي قلته
هل انتو مؤيدين لهالشي إن الشاب يهتم بشكله وببشرته وشعره وأظافره(على طاري الأظافر سمعت إن البعض يسوي بديكير ومنيكير)!!!
هل انتو مع أو ضد؟؟
أبي رايكم يا معشر الشباب
وسؤال آخر لشبابنا الطخمان أو بالأحرى طلب~>
إذا احد يسوي من هالاشياء ياليت يقول لنا ويشاركنا رايه
وسؤال للبنات هل انتي تحبين إن الشاب يهتم بشكله
ويسوي هالحركات(( ماسكات وبديكير ومxxxxxxxxير))؟؟
وهل يؤثر اهتمامه الزائد على نظرتك له
يعني هل ينقص من رجولته في نظرك او يزيدها؟؟؟
وقبل ما اختم ودي أقول رايي ~> خليه لتس الله يعافيتس
أنا مع إن الشاب يهتم بشكله ونظافته
لكن لا إفراط و لا تفريط
حطيتو جـل قلنا معليش و بلعناها
استشورتوا شوشكم بعد ماقلنا شي ولو إني مابلعتها بس ماعليش
بس عاد تروح تسوي لي تنظيف وبديكير ومxxxxxxxxير وحركااات حرريم
اسمح لي يابو الشباب لحد هنا وخلاص ~> شوي شوي لاتطقينه
بالعربي
أبي شكله حلو ومرتب أبيه نظيف وريحته حلوه وابي 2شاورما وواحد بيبسي :)
لكن يوصل اهتمامه لدرجه المياعه سوري واسمحوا لي أقول وعععععععععععع
وسلامتكم
.:: منتديات شبكة اهل الجنوب : صفر 07 سبعه ::. 
.:.[]حركه قااااهرتني[].:.
العرض العادي
