؛







قال : في قلبي هموم | قلت : واضح بالعيون ،
________ وقبل ماتحكي وتشكي روحك تنادي : تعالي !

اضحكي في وجه غمي وامسحي كل الطعون ،
________ و علّميني : كيف أرسم ضحكة ٍ لو في ( خيالي ) !

لك أبهدي كل فرحي وخلّي أحزانك يجون ..
________ حطّهم في " وسط صدري "وإنت روّح لا تبالي !

لا تقول : شلون أهدي قلبك الضاحك حزون ،
________ آنا قلبي كيف يضحك وإنت تجرحك الليالي ؟

كيف نصبح " روح وحدة " وماتبادلنا الشجون ،
________ آهـ لو بس إنته تدري في غيابك وش جرى لي !

كيف أشتاق لكلامك آه يالصوت ( الحنون ) !
________ كيف لمّا تغيب أنادي | وكيف عايش جوّا بالي ؟

دايم " آحبك " بقلبي ومابي يفضحني [ الجنون ] ،
________ وصعب إنّي دوم أمثّل | قلبي من " أحبابه " خالي !

لايغرّك حيل احبك ولا يأثّر بك سكون ..
________ وإسمك إنته في حياتي نكهته سكّر وحالي !

فكرتك لاجيت ترحل في حياتي " من تكون " ؟
________ ماسألت بيوم نفسك | ليه أحميك بـ ظلالي ؟

لا .. لاتسألهم عيوني لو أغيب بتفقدون ؟
________ لنّي بفرقاك أخسر روحي وشخص ٍ مثالي !

ومابي تسأل نبض قلبي لو أروح بتنبضون ؟
________ لأن روحي في غيابك تحتضن نبضك ياغالي !


ولا لاتسأل هالمشاعر في " بعادي بتذكرون " ؟
________ لأنّه قلبي دوم ينسى إنّه عَنْك يكون سالي !

؛






إنت تدري في غيابك ..
يمتلي هالكون ضيق !

مالي أحباب وقرايب
وحدي بالعالم

" أضيع " !


*


في ليله :
مليانه وفا ،
توّجنا ليلتنا : بـِ زفاف !


ليله نسمّيها :
" جنون "
أو
نبض | من طهر و عفاف !


*


لحظه

وش هذا اللي ساكن
قلب ينبض
أو
حجر ؟

سامح إحساسي
ولكن | ما أحس إنّك :
بشر !


*


فرّقتنا هـ العيون ،
سحرها ، " مالي البلد "

صرت لما انتَ تكون
جنبي ما آحسّك ابد !

رغم إن قلبك : حنون
طيّب ، ومثلك محد

وادري إنّك ماتخون
دايم ٍ ، [ توفي الوعد ]

وذكر ربِّك مايكون
غيرهـ بـِ لسانك
عهد !


*


غايب ،
لك اكثر من شهر .
.
والعين
تعَّبها السهر ،

والـ روح
ذوَّبها السهاد

والقلب
مات من البعاد ..!


*


تدري حبّك ..
... بعثر الدنيا
بعيني ،

وانته قلبك ..
... نار شوقهـ
تحتويني !


وآنا قربك
أرتبك / وانسى
سنيني
!

إي وربّك
إنت صاير
" نبض فيني "!


*


ياخلّي ..
ماقدرت أبعد ..،
و لا علمتني أنسى !
و لا علمتني أنسى !
و لا علمتني أنسى !
ولا أحدٍ حولي من ربعي ..
أشد فيه الظهر ..
و ..
أقسى !


*


كان قلبي بس يردد يعني معقولـه نسـاك
. . . . يعني معقوله ضميره خـلاّ عشرتنا تهون ؟
وارجع لنفسي واقول: وين ياقلبي وفاك ؟
. . . . ليتك تجيد السباحة فـي بحر ذيك الظنون


*


كيف أنسى ؟

وصورته في عيني ترسى !

كيف أتجاهل [ حنين ]
يسكن بقلبي سنين ..!


*


تعالــ ]


اسكن وسط عمري
ولك مني وعد بـ اني
أشيل الهم من صدركـ
واضمّه في حضن قلبي ..!


؛

؛






[ من فقدته ]

عمري ماحسيت لحظة
بسْ / لحظة
بـ أيْ " أمان "


*


آهـ لو تدريين فيني ..
كم هويتك ....
كم سهرت الليل أذكر
كل تفاصيل المكان
اللي جمعنا ..
والكلام اللي حكيناه
وضحكنا ..

والله إني مانسيتـك
مانسيتك
مانسيتك .... !!

وهذا عمري لك هديتك
وادري إني ماوفيتك
اطلبيني وش تبين
اطلبيني يافديتك


*


في روحي كنتي أطهرهم..!
في قلبي كنتي أغلاهم ِ !
في عيني ِ كنتي أحلاهم ..!!


ولكنِّك
تبدلتي
تدنستي
تشوهتي ..!


وانا ساكت وأتألمـ
لأن إنت ِتخونيني ..
أقول : بإني أتوَّهم
واشوفكـ تصغري فـ عيني..!!


*


حبيبي طوَّل غيابك ..
تعال وشوفني وشلون
أدق بلهفه أبوابك .. !


*


تعب هالحِمْل ياذا الصدر
ضياع وغربتي دونه
وخوفي يمشي هذا العمر
وافارق من يحبوني !


أفارق منهو بصدري
مكانه القـلب ،


واضيّعني ولا القاني
واتوهـ وقلبه ينساني
وأفقد روحي من بُعده
وهو يتسلَّى بجروحي !


*


أبسأل ليه بس حنا ؟
نحب ونعشق ونغتم

ومحدٍ سائلٍ عنّـا
ولا باحوالنا مهتم


*


مديت له كفي
أقفى وخلاني
كني أنا القاسي
وقلبي عليه جاني

ماكنّه داس قلبي
وسطّى على جرحي
يكفيه بس إني عليه ما أدعي .. !


*


سامحني ياقلبي
من إيدي ضيعتك

مابعت حبك

لا
في قلبي سكَّنتك

ورغم إني أحتاجك
في ليلة ودَّعتك !


*


وأكتب لك وتقراني و أدري مابتنساني
وقلبك ما هو مستوعب بإنّي مو أحد ثاني


*



كل يوم أبكي أبيك
واسأل الدنيا عليك

وينه
يادنياي وينه ؟

لهفته
شوقه
حنينه؟


ما انسى لحظات الوداع
اللي فيها العمر ضاع


*


[ الفرح ]
من بعده غايب ,

و
" الحزن "
في الروح عايش ..

و
[ الضحك ]
مابه حياة


*


صعب أستوعب بإنّي يوم أنام بدون صوته
كيف لا صارت سنين


*


وين اروح ؟

بعد مالدنيا اخذلتني ..
والحبيب اللي عطيته
كل ماعندي / هجرني ..


*


في غيابه
ما أحس الوقت يمشي

والحياة ..
بدون روحه
سودا مليانه اكتئاب

حتى روحي من فراقه
في متاهه وإغتراب ..!


*


ياطهر هالأرض جيتك حامل الشـوق بهـواي
جيت أبعثر كل خـوف ٍساكنٍ بك من سنين


*


أداري بعيني العبرة
عزيزة وماني منكسرة

؛




؛





جيت " آسف ياحبيبي " حيل ياروحي جرحتك
والشعور اللي ذبحته مايكفّيه اعتذار !

شف شعوري كيف كاره لحظةٍ فيها كسرتك
ولا تعذبني بـ " آسف داخلي بركان نار " !


ساكته وبـ إيدي جمرة إرتمت وآنا نكرتك
وبعدها أحلف وربي إبتدى فيني انهيار

أدري والله بوقتها حيل ياقلبي ظلمتك
وتدري إني بعدك انته ذلني حيل الدمار!


ماجبرته انكسارك آهـ ياقلبي خذلتك ؟!!
ورغم هذا كنت صامد حتى فينا الكون دار


واجمعتنا اليوم صدفه وانت صديت ولمحتك
شفت كيف الوجه ذابل شفت حالي كيف صار ؟


شفت كيف الشوق أدمى خافقي يومي ذكرتك
شفت كيف الروح شابت مع شموخ الإنكسار


غلطتي آسف وأدري كنت في إيدي وخسرتك
وعن أحاسيسي وحياتي أعلن قليبي الفرار !!


واعترف لك قبل موتي " حيل والله افتقدّتك "
وبعد ماضيّعت قلبك لوني صاير إحتضار !!