السلام عليكم ورحمة ربي وبركاته
بما ان هالايام اجازه وفضاوه طقت براسي انزل لكم قصه من بعارين افكاري وهي ناتجه عن عصارة المخ يعني كل ماسيرد فقش وتسذب وليس له اساس من الصحه
ترااااااها طووويله اطول من اطول شي في التاريخ بس اقروها وبتستانسون
وإن رديتوا زين على زين وإن مارديتوا فحيل الله أقوى
==>>تعاني من الاحباط في هذا المكان
أووووووووووش لحد يحتسي خلوني أقول قصتي على كيفي
البداااااااااااااااايه
ذات مساء أجتمعت أربع فتيات من أجلم ( أجلم = أقبح ) ماخلق الله على وجه الأرض قاطبه وأخذن يقشمن الفصفص ويجغطن البيره ويعطرن الأجواء بـ.... ( مشفر مراعاة للذوق العام ) بعد كل 15 فصفصه , وكانت كل واحده منهن قد سئمت الحياة يعني لاوجهـ(ن) ولا خلقـ(ن) حسن , الشاهد إنهن كن على درجه عظيمه من الطفش لدرجه أن كل واحده منهن تقشم فصفص وتتفل القشم بوجه الثانيه وترد لها الأخرى بنفس الطريقه وعلى هذا المنوال
وقبل سرد تفاصيل الحكايه أحبذ أن تقرؤن نبذه تعريفيه عن تلك الفتيات الأربع
1-غامديه(ودلعها خضرا) : لم تكن جميله ولا فاتنه بل كانت خشنه ملتحيه ومقفره كصحراء مجدبه , يمتاز شخصها الكريم بالسماااااااحه الشديده وترتدي قميص بردقاني مخطط بأصفر , مشنتر يصل لحد ركبتيها المتفحمتين الفاتنتين , وردائها معتق ببقع صفراء مائله إلى الإخضرار يابستن يقال إنها ( .... طوط مشفر مرعاة للذوق العام ) من كثر ماتمسح خشمها بثوبها , وتحتفظ بهذا القميص منذ عام ألف وأربع مائه وخشبه , تؤمن بمقوله ( أهم شي الأخلاق ) .
2-توته الغامدي(ودلعها مرعيه) : فتاة سوداء مائله إلى الإفتحام وتصير سنونها فسفوريه بالظلام وعيونها تولع بالليل زي البساس , مجرمه ولها سوابق في قتل بزران الحاره , خطت أول خطواتها لعالم الأجرام والسجون بفلق المدعو نويصر ولد محافظ ديرتهم بقوطي سفن أعقبته بعدة طعنات في ظهر المرحوم بفرجار الرياضيات ( كانت توها طالعه من المدرسه وتهاوشت مع نويصر عند بقاله أبو صويلح عشانه عيا يخليها تلحس من عسكريمه) أفرج عنها قبل 7 شهور بعد أن شملها العفو الملكي , تلقب بأم سمره .
3-اميرة الورد"والله وماقالت"(ودلعها غزوى): فتاة قرويه هي منا والزين مناك جلمتن , كمختن , مخفتن تدخل ضمن المرفوع عنهم القلم لانها 24 ساعه فاصله أي مافيه مخ وماحولك أحد وأطلق مافيها شوشتها اللي دايم نستخدمها كبديل للمظله حيث تقينا شوشتها من أشعه الشمس الحارقه وعوامل التعريه الأخرى ( جبل مووووووب شوشه ذي ) , مهنتها تجميع غطيان البيبسي وامنيتها تفوز بإحدى جوائزه , تعشق فريق الإتفاق , ترتدي ترنق الإتفاق وكاتبه عليه مع ورى بالطامس ( صالح بشير أنت في قلوبنا ) وتحلم بلقاء ياسر القحطاني ( وهذا وجهي إن شفتي زوله ) .
4-أنــا محدثتكم( جنوبيه غير ويدلعوني جوجو) حفظني الله : عانسه أعمال ذائعه الصيت أعقل وأجمل الشله ,طيبه وعلى نياتها والمخ الصح بين القفله اللي حولها, تمتاز بسرعه البديهه وتعشق التهيض وكثيرا ماتنجلد بسب تهيضها , تتحدث 7 لغات , لها علاقات قويه مع شخصيات مرموقه سوءاً على الصعيد السياسي كنيوكلا ساركوزي والملك خوان كارلوس أو الصعيد الفني كجورج كلوني وجوليا روبرتس أو على الصعيد الرياضي كرونالينهو و سعد الحارثي==>>داخل عرض , ودها تسكن ببيت مسلح , تشبه الملك عبدالله <= برىـآـآـآـآـآـآـآـآـآـآـآ
بعد هذه النبذه التعريفيه نعود لسرد آحداث القصه على لساني أنا محدثتكم (جوجو)
chapter 1
مثل ماشرحت لكم حالتنا قبل شوي منشرات أذآنا ( منشرات أذآنا = كنايه عن الطفش الشديد وقلة الحيله ) ونقشم فصفص ونتفله وازين وحده هي اللي تطيره بعيد
خضرا : أوووووووووووووف يلعن أومين القلق !!
مرعيه : حلالات من يمسكتس ويمردغتس يالتسلبه ..! هالحين قاعدين بهالجو إللي ماأزين منه وتقولين قلق !!!
غزوى : هاللحين أنتن مستانسات يعني !!! أنا يختكن طاقتني الغلزده !
خضرا وهي تمش خشمها بكمها : وش رايكم نكشت بالبر..!!
أنــا : أقول ورى ماتنطمنين لايجيتس كفن يدير خشتس ويسنعتس !
خضرا : هاااااو !!! والله إني صادزه
مرعيه : إييييييييييه تكفووووون من زمان ماجربعت ..
غزوى : وشنهو وشنهو وشنهو هاللحين تبوني أروح للبر وأنا ماصدقت اطلع منه واسكن بعميركه(عميركه=امريكا) !!! لا لا لا غيرن الفكره تفكون تفكون مابا البر (تفكون = تكفون)
أنــا : منااااااااااك بس ! لو رحنا بتروحين غصبن عليتس !!
خضرا : عنادن لتس نبي نروح للبر وبنروح لعقلة الصقور بعد ..!
غزوى : ترى بانطلتس بالحذوه
(بانطلتس = ارميتس)
(الحذوه = النعله وأنتم بكرامه)
خضرا : تخسين !!! مابقى إلا أنتي يالكرتونه !
(الكرتونه = مؤنث كرتون وهو لفظ يطلق على كل شخص قروي في قاموسنا طبعاً )
غزوى : الكرتونه أزين منتس يالحضريه يالـ ...
أنــا بصوت عالي : أقووووول ورى ماتهجدين أنتي وياها خلونا نفكر وشلون نسرق سياره ونهج للبر ..
مرعيه وهي تقشم حب وتتفل القشم بوجه غزوى : تف , لا لا ماعليكن السياره خلوها علي
غزوى : عندتس سياره نروح فيهاااا !
مرعيه : أفااااا عليتس هايلكس جدي مطلدز (مطلدز=مطلق)
أنــا : يعني لو لقطناه مووب داري عنا ؟
مرعيه : لا لا ماعليتس بشربه لبن خاثر مخلوط بفلاش وبيغشى عليه وبيودونه للمستشفى وبيلهون معه وبنسرق هايلكسه ومحدن داري ويادار مادخلتس شر ودقي ياربابه وطن طا طن
خضرا بحماس : قدااااااااااااااااااااااااااااام يالعنبو ورى ..
Chapter 2
بعد كمن يوم دخل مطلدز جد مرعيه للمستشفى والبركه بحفيدته أم سمره ولقطت مرعيه هايلكس جدها وودته للصناعيه وشالوا سقفه (هايلكس كشف) وسوت له تغبيره يقاله تكشخ ويوم ورته البنات أنصدموا
أنــا : اللللللللللللله لايوفقتس وش ذا !!!!!!!!!!!!!!!!!! ( فيس عيونه تقل فناجيل )
خضرا : اويلااااااااااه ورى سقف السياره مقشوع ياكافي !!!
غزوى : أنا أخت أخويه تبوني أركب السياره تيه لا لا لا ..!
مرعيه : أنتي اللحين ورى ماتسكتين لا أفلقتس وألحقتس بجدي في المستشفى !!!
بعدين كم مره قلت لتس إذا تكلموا الكبار البزران ينطمون هاااااه ! وأنتي تعالي ياجوجو يالعاقله يعني على بالتس ماتدرين وش أنا قاشعتن السقف له !! عشان شوشة غزوى تكفيها الهايلكس وإذا على السقف لا تشيلين هم ,شوشة غزوى تكفي وتوفي
خضرا وهي تضحك : نيهيهيهيهآآآآآآآآ بهذي ماتسذبتي شوشتها كأنها مظلة بيتنا وبيت الجيران مجاناً
أنــا : أقووووول لايكثر بس وإشقلن عفوشكن وخلنا نركب السياره ونتوكل على الله ..
خضرا : هيييييييييييي ترى أنا إللي بسوق مالي دخل ..
مرعيه : والله وعلى قص رقبتي إن ماتسوقين بنا !! لعنبوا بليستس نسيتي المره إللي راحت باغيتن تدخلينا تحت تريله !!!!!!!!!!!!!!!!
خضرا : ..أنتي إللي أربكتيني وإلا أنا سواقتي راكده وما أزين منها ..
أنــا : إيه بس ترفقي على عمرتس ياشوماخر أنتي وياها .. أنا إللي بسوق أهاااا بس لا أنتي ولا هي ..!
غزوى : أنا أبا المعزز ..(المعزز=الشخص اللي يركب بجنب السواق ويقعد يصايح عشان يحمس السواق)
مرعيه : الله ينتفتس قولي آمين ياسحيله أم الخلاقين !!! اللحين قاشعين سقف الهايلكس ليه هااااه !!! عشان نركبتس ورى وتطلدزين شوشتس علينا وتضلل علينا يالدبشه ..!
غزوى بفهاوه وهي تصك جبهتها دليل على إن هالشي رآح عن بالها : إييييييييييه توني أفهم ..
خضرا : أجل أنا المعزز ..
مرعيه : والله ماتركبين أنا اللي لاقطتن السياره ومرقدتن جدي بالمستشفى عشان أركب قدام ماعمري ركبت قدام ..!(فيس يقوطر براءه)
أنــا : يالله إخلصن ولا مشيت وخليتكن ..!
Chapter 3
ركبنا السياره وأطلدزت غزوى شوشتها ... بالأول وش زينها تضلل علينا بس تالي قامت تمايل علينا وتخطف عيوننا وقامت خضرا وربطتها بمغاطات نبيطتها عشان أسوق زين
المهم وأنا قاعدتن أسوق وداقه اللطمه بالشماغ ( كلنا لابسين ثياب للتمويه إلا غزوى لابسه ترنق الإتفاق ) ومشغله شريط ماجد المهندس الجديد(الجو مايأهل ولو شاف خشش اللي مفهيات ويسمعون قال انطموا بس بعد وش زين انطمو منه )وحاطه يد عالدريشه ويد عالدركسون وأغني معه <<== مسوين جو شباب راعين بر
إلا وها اللي تسحب الشريط وتجدعه مع الدريشه !!
أنــا : خيييييييييييييييير يابو سمره وش عندتس جدعتي الشريط !!!
مرعيه : حطي محمد العريفي الله يعافيتس والله ياااااني أخق مع صوته ( فيس يرمش بسرعه )
ومادرت ألا خضرا هابدتها مع ظهرها بالنعله : لعن الله آبو الخقه اللي تعرفينها !!!
وتلف مرعيه وتلاقط مع خضرا والسياره تمايل يمين ويسار وأنا أقول: ياشباب هدو اللعب ترى بصدم !! لكن مااااااش محدن يسمع ..! وغزوى قاعدتن تبتسي ومتعلقه بشوشتها ويوم شفت الوضع كذا وأنا إللي أسوي pull over للسياره وأنزل عليهن بالعقال وأمحطهن : قسمن باللللللللللللللللله أنتي وياها إني لأنزلكن فيذا وأمشي آآآآآآآآآآآآآآآآآآآآ<<== (صرخت بقوه عشان أخوفهم )
المهم إنهن ركدن وأنا إللي أستدير بركب السياره وأسمع خضرا تقول بصوت واطي : أعقبي ياجوجو ماأقواتس !!وأنا اللي ألف عليها وأتميلح : عاد قسم باللللللللللللللله لأنزلكن فيذا وأمشي ..! ورجعت بركب وأسمع مرعيه تقول : والله يااااهي قويه !!
وأنا اللي أرجع أتميلح مره ثانيه وأتفل عن يساري وأقول : إيه والله بنات مايستحن ...! ورجعت بركب السياره وأسمع غزوى تقول : ياااااااقوها قواه ...! وأنا إللي أتهيض وأنزل من السياره وأفصخ العقال وأمحطهن مره ثانيه ومادريت إلا ومرعيه مكتفتني وخضرا تجلدني وتقول : ترى عطيناتس وجه عاااااااااااااااااااااااااااااااااااااااااد !!
المووووهيييييم إني عقلت وركبت السياره وكملنا دربنا
وبنص الطريق وقفت علينا السياره وخلص البنزين
مرعيه : ياااااااااااااوالله البلشه وش السوات هالحين؟؟!!
غزوى : آآآآآآآآآآآآآآآآآآآ حرام عليكن أبا أرجع البيت هاللحين آآآآآآآآآآآآآآآآآآآآآآآآآ
خضرا : كوووووولي تبن بس لو فيتس خير رحتي للمحطه وجبتي لنا بنزين بدال هالمجاغر (مجاغر = صياح)
أنــا : لازم وحده مننا تروح للمحطه تعبي جالون بنزين وتجي ..!
مرعيه : خلوها علي
خضرا : إيه صح أنتي محد بيشك فيتس بيحسبونتس ولد ..!
مرعيه : لااااااااااااااااااه !!! أحلفي بس يالبنت !! قسم إنتس ألعن مني أنتي وهاللحيه اللي واصلتن سرتس عسااااه الفتق ..!
خضرا : مناااااااااااك بس .. هذا خلق ربي لاتطنزين ! (فيس يتعبر)
غزوى : آآآآآآآآآآآآآآآآ حرام عليكن أبا أرجع البيت هاللحين آآآآآآآآآآآآآآآآ !!
أنــا : أخخخخخ !!! وقسم إن ماسكتي إني لأجرتس مع شوشتس وأجدعتس بالبير اللي حولنا !!!
غزوى : آآآآآآآآآآآآآآآآ خلاص التوبه التوبه والله ماعودها !!
خضرا : لا لا الظاهر إني بسحبتس للبير خلاااااااص ..!
غزوى : آآآآآآآآآآآآآآآآ لا لا تفكين تفكين
(تفكين = تكفين)
خضرا : لا لا لا ساحبتس ساحبتس لاتحاولين ..!
غزوى : تفكين ياخضرا تفكين
خضرا : يالله قومي قومي بسحبتس ياااااالله ..!
غزوى : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآ
أنــا : لعنتــــــــــــن تلعن بليستس أنتي وياها !! ورى ماتهجدن لا والله إن يجيكن علمن آخر !!!!!!!!
خضرا تأشر على مكان : شوفي شوفي مرعيه جت ومعها جالونين بنزين ..
مرعيه والابتسامه شاقتن حلقها : هييييييييييييييه جبت لكم جالونين بنزين ببلاش
أنــا : لايكون قتلتي العمال الله لايوفقتس !!!!!!!
مرعيه وهي تضحك : لا لا أصلا راعي المحطه سعودي شافني ويحسبني ماجد عبدالله وعطاني جالونين بنزين بلاااااااااااش
خضرا : عز الله إنه ماتسذب
مرعيه : ماعليتس زود ..
أنــا : المووهببم ساعدوني عشان نعبي التانكي بنزين ونكمل طريقنا قبل ماتغرب الشمس ..
Chapter 4
عدلنا أوضاعنا وكملنا طريقنا وغابت الشمس ووقفنا السياره بمكان وطقينا الخيمه عشان إذا قمنا الصبح نكمل مع نور الشمس
أنــا : يالله يابنات كل وحده تسمي بالله وتعوذ من الشياطين وترقد ورانا مشوار الصبحيه ..
مرعيه ميته من الضحك : خخخخخخخخخخخ أنتي صادزه تبينا نتعوذ من الشياطين !!! هي اللي مفروض تعوذ مننا كخخخخخخخخخخخخخخخخخخخخخ
خضرا : لوسمحتي كل واحد يتكلم عن نفسه ياماجد عبدالله !
مرعيه : الله عليتس يالمنتشري !
غزوى : آآآآآآآآآآآآآآآآآآآآآآآآآآآآآ أبا أرجع البيت أنا خايفه
خضرا : وش أنتي خايفتن منه ياروح أمتس ؟؟!(فيس يتكلم ويهز رقبته)
غزوى : خايفه من العووو ؟؟!!(فيس يتطنز)
مرعيه : بسم الله على العووو منتس أخمدي بس عساها نومه أهل الكهف ..!
المهم إنا رقدنا وبنص الليل سمعنا صرخه غزوى : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآ
خضرا : مــــــرض يشيلتس وش طاعونتس تصارخين شقيتي أذني !!!
غزوى : جني جني جني !!!!!!!!!!
أنــا : وينه الله ياخذتس !!!!
غزوى : عانيه عانيه هنيا !!!!!!!!
أثر الكمخه تأشر على مرعيه إللي فاتحتن أثمها وتضحك وهي نايمه وصايرتن سنونها فسفوريه ومولعه وعيونها متقلبه ومولعه ( هذا لونها إذا نامت ياحياة الشقا )خضرا : هههههههههههه الله ياخذتس يالجنط هذي مرعيه نايمه ..
أنــا : أرجعوا أخمدوا بس ..
قمنا الصبح وكملنا الطريق ويوم إنتصفنا بالطريق قالت غزوى : ياويلي ويلاااااااااااااااه أبكم نسينا خضرا !!!
مرعيه : عمـــــــــــــــى !!!! نسيناها وين جعلتس الموت أنتي وياها !!!
غزوى : قبل مانمشي قالت لي ياغزوى لاتمشون بروح بيت الراحه وأجي عاد أنا نسيتها ..!
أنــا : عساااااااتس للضربه قولي آآآآآآمين !!!!
رجعنا ولقينا خضرا تبتسي وتمش خشمها بكمها كالعاده
خضرا :آآآآآآآآآآآآآآآآآآآآآ اللللللللللللللللله لايوفقتس ياغزيوووووووو يالبقره !!
غزوى : يختس نسيت والله !
خضرا : نسوتس بصحراء سكانها جن إن شاءالله ..!
أنــا : يالله يامال الماحي أنتي وياها أركبن بس ..
Chapter 5
الموهيييم كملنا مشوارناااااا ووصلنا لعقلة الصقور وطقينا الخيمه وأنتشروا البنات " خضرا تطامر بين جحور الضبان تغرهن بالشكمان لين يطلعن غشيات وتصندقهن وغزوى قاعده تفلى شعرها تسحب اللي علق فيه ومرعيه ماسكه عجرا وطردي ورى هالجرابيع الضعيفات ومارجعت لين صادت 66 جربوع " المهم وبينما نحن في غمره متعتنا البريه إذا بسيارة جيب مقبله نحونا يسوقها رجال(ن) أطخم ونتناقز ونتوزى ورى شوشة غزوى ( مكتب خدمات هالشوشه) ونلبد وننتظر وش يصير ... ويلبق الجيب جنب هايلكس جد مرعيه وينزل الرجال ويشوف الهايلكس الكشف ويكررررررررررها ضحك على السقف وخضرا تقول : يالبيييييييييييييييييه ياهالضحكه
وأنا إللي أدبجها مع ظهرها عشان ماتفضحنا ..
والرجال كأنه سمع صوت وقام يتلفت حوله ومالقى إلا قشعه ( شوشه غزوى ) ورجع كمل إستكشافه لسيارة جد مرعيه وجلسنا فتره نناظر الرجال ونقزه وأنا إللي أدقق في ملامحه وأعرفه وأنقز وأخمه وهو عيونه طايره مايدري وين طلعت معه وهو يقول : اللهم إني أعوذ بك من همزات الشياطين وأن يحضرون !!!!!!!
وأنا إللي أقوله : لا لا يامجوووووووودي أنا موب جني أنا جوجو اللي دايم اشتري شرطانك (طلع الرجال ماجد المهندس <<== ياسبحان الله ماجد المهندس بعقله الصقور !!!
ماجد : اللهم إني أعوذ بك من همزات الشياطين وأن يحضرون !!
أنــا : لا لا يامجوودي ( تقل إنها مطيحه الميانه وإلا ) حرااااام عليك لا تحطمني أنا جوجو ..
ناجد مازال يردد : اللهم إني أعوذ بك من همزات الشياطين وأن يحضرون !!
أنــا : لا لا تكفى لاتقولها ..
والبنات يصفقون ويصفرون وغزوى تصيح من التأثر باللقاء الرومانسي
ماجد : ياشيخه الله يآخذ شكلتس مامنتس فايده أنا جني منتحل هيئة ماجد المهندس بس يوم طحت عليتس كرررررهت الحريم ..
أنــا : لا لا أنا عارفة إنك ماجد وتلعب علي ومسوي ثقل و .....
فجــــــــــــــــأأأأأه !!!!أنــا منصدمه : ويــــن راح !!!؟
خضرا فاطسه ضحك : خخخخخخخخ أختفى هج منتس يالخبله ..!
مرعيه تشقلب من الضحك و غزوى مازالت تبستي ..
أنــا : ضحكتي بلا سنون أنتي وياها مالتس دخل أنا ومجودي نبي نصلح ..!
مرعيه تشقلب وترفس برجلينها وتسوي حركات بهلوانيه من الضحك : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآه يابطني بطنااااااااااااه الله يقلعتس ياجوجو أجل تقولين أنتي ومجودي تصلحون كخخخخخخخخخخخخخخخخخخخخخخخخ خخخخخخ
غزوى : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآ
سسسسسسسسسسطراخ <<<=== صوت خضرا ساطرتن غزوى بكف عشان تسكت
مرعيه ومازالت تشقلب من الضحك : أجل أنا ومجودي نصلح آآآآآآآآآآآآآآآآآآآ ههههههههههههههاي ياي ياي ياي ( ضحكة الخال إللي بمسلسل 4 في 4 )ومادرت إلا وأنا أبرمها بذاك المخمس إللي خلى رويسها يفتر : سسسسسطرررراخ !!
مرعيه والعصافير تدور حول راسها زي أفلام كرتون : آآآآآآآآآآآآآآي وجع !!
أنــا : وجعن يوجعتس يادزليلة الأدب !!
خضرا : ياشباب هدو اللعب
غزوى : أبا أرجع البيت هاللحين آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآ
سسسسسسسسطرررررراخ <<== خضرا صافقتن غزوى بكف ثاني ( لعنبو بليسها من اليوم وهي ترغي) ..!
غزوى : آآآآآآآآآآآآآآآآآآآآآآآآآ آآآآآآآآآآ
أنـا : أنا ماأقوم أقبلها القبله وأنحرها لوجه الله !!!
أرحمينا يابنت الحلال حامت تسبودنا من صوتس وع ..!
ومادرينا ألا مرعيه مقبله علينا ماعليها إلا سروال أبو سنه وفانيله علاقي وتعلق ملابسها الرطبه على شوشة غزوى وتقول : هااااااااااااااااي شله
خضرا : ههههههههههههههههههههههههه وجع عسى ماشر متجرده يالحبيبه !
مرعيه وهي تثبت ملابسها زين على شوشة غزوى : أبد والله خذت لي شور في الشعيب إللي حولنا وه بس يازين النظافه لي سنه و7 شهور ماتروشت ..!
خضرا : خذتس الله وملايكته قولي آآآآآمين يالفضيحه تسان صبرتي لين يجي الليل عشان محد يشوفتس لإنتس أنتي والليل واحد يابو سمره ..!
مرعيه : هههههههههههه شكلتس نسيتي أسناني الفسفوريه وعيوني إللي تولع بالليل ههههههههه أخاف أسوي فلم رعب وأتوثم(اتوثم=اخذ اثم) بالخلق ..!!!! (حليلها والله عندها خلفيه عن نفسها )
خضرا : إيه والله هذي ماعملنا حسابها ..!
أنــا : يالله بس بلا سماااااااااجه زايده .... أشقلوا عفوشكم بنعود للديره ..
قاموا البنات وقشوا العفوش وركبنا السيارة وعودنا ويوم أقبلنا على بيت مرعيه ألا جيش سيارااااااااااااات وش كبررررررررره صاف جنب البيت
نزلت مرعيه وقالت : أصبروا بسوي تشييك على المكان وأشوف وش السالفه وأعلمكم يمكن جدي طلع من المستشفى وحطوا له عزيمه ..!
جلسنا دقيقتين إلا ومرعيه ناقزتن علينا تصيح وقومي يامرعيه وضمي غزوى وأقعدي أبتسي !!!!
أنــا : وراتس يامرعيه تبتسين !!
مرعيه : جدي يطلبكم الحل !!!
The end
==>>ترىىىى ابوي يقول ان جلدتو بنتي لاتلومون الا انفسكم
.:: منتديات شبكة اهل الجنوب : صفر 07 سبعه ::. 
