في واحد وعشرين سته من ضحى يوم الربوع
صباح والساعة تشير الى تمام العاشرة
ضاقت بي الدنيا بما رحبت ولاع الهم لوع
في المدرسة واطالع الدفتر مديري ناشرة
يقول وقع كل يوم ان كان غصب ان كان طوع
لو عطلوا الطلاب وقع!!لاتصير...مقاشرة
ياناس هاذي تربية ؟؟ الاهاذي شينة طبوع
هاذي طريقه ما تليق الا بناس داشرة
كذا المعلم يحترم !!!!! كذا كذا ذل وخضوع
كذا التعامل ياوزارة بالنيوب الكاشرة
يعني على سلب الحقوق اللي ذهاب بلا رجوع
سددتوالضربة علينا في الصميم مباشرة
الى الوزير اللي مايدري بالشهر والا السبوع
وموكل غيره مجاميع الرعاع الفاشرة
قلوبهم بالحسد ممتلية و لا فيهم قنوع
في كل يوم الفين تعميم يجي من ناشرة
فيقوا من سبات الجهل والظلم والقادم يروع
تروا قلوب الصامتين بغيضها متحاشرة
ماقول غير الله حسبي فالسجود و فالركوع
على وزير التربية واللي معاه مخاشرة