صبااااااح البيتزا والبعيثران
حيهم وعشره زيهم==>>على قولة بعض الناس 
.. ياهلا والله وياغلا ..
يااااااااااجعل ربي يسعد هالخشش اللي نورت صفحتي المتواضعه..
بما أن الوقت الحين يجنن والبزارين يذاكرون ومجتهدين قلت خن أسير على الأجاويد واسرد لهم وقائع حادثه حصلت لي في اجازه من الاجازات..
وش وراي مخلصة الاربعاء اللي راح==>>تبي تقهر اللي بيروحون يختبرون بعد شوي ==>>مو نذله ابد 
وقبل أمس لاحوووووول مرسله لي بنت خالي رساله عن المذاكرة والامتحانات وطرق التركيز وانا قاعدة بالصاله أتقهوى ومعينه خير.. وأجي أرسلها خلي الرساله لتس أنا اجزت تحسبيني مثلتس ماخلصت كرف, وه اللهم لاشماته 
اييه يازين الرآآآآآآآآآآآآآآحه بس 
نرجع للخنبقه, هالموقف صارلنا زي مااشرت سابقاً في اجازه من الاجازات وياااااااكثر مانخربط بهالايام
نخخخخخخخخخش بالموزوع
,,
الشخصيات:-
بنت عمتي واخوانها الثلاثه وانا واخواني الثلاثه وولد عمتي الثانيه واخته
الحدث:-
أشارت عقارب ساعات بيتنا على الساعه الواحده ويصكنا ذاك الجوع اويلااااااه وقصم بغينا ناكل بعض ومانبي اندومي طق كبودنا الاندومي نبي شي يشبع
بنت عمتي تعرف تطبخ بس السلوقيه عييت تقول مو قادره اوقف من الجوع ..وانا فاشله بالطبخ..والشغاله نايمه والحريم بالدور الثاني==>>مشوااااااااار,و أصلن لو نتنكس عندهم ماقامو ينفخون لنا بأنصاص الليالي..
الموهييييييم كلن قام يعصر مخه وش السوات وش السوات؟؟؟؟
وفجأة ولعت فوق راسي لمبه
واصيح:وجدتها وجدتها..
وهم:وشووو وشووو ؟؟
أنا: كم تعطوني
ويرجدني اخوي بالريموت اخلصي علينا واناظر حولي اعوذ بالله انقلبت عيونهم حمممر ويسوون تسذا ==>>
عاد انا خفت بصراحه وافصحت عن فكرتي الخنطيره والتي حصلت على جائزة نوبل في ذاك اللي مدري وش اسمه مالكم بالطويله 
وشوووفووو وش قلت
(
) قلت نطلب من بيتزا هت ()
()
الكل ايد الفكره واستانس وطيراااااااااان على التليفون وطلبنا واعطيناهم رقم الاشتراك وقالو ابشروا الحساب 300 وشوي
قلنا مايخاف هااااااتوه الظاهر لو قال ترهنون البيت وقتها قلنا تم==>>الجوع مايرحم
بس فيه مشكله كلنا مطفرين مامعانا فلوس تكفي..
وهنا باااااااااانت مهاراتنا في خفة اليد وبنص ساعه وفرنا الفلوس وجهزنا السفره والكاسات والملاعق بس ننتظر الفريسه
وكل واحد منطل بزاويه ويتخيل شكله وهو يبلع البيتزا, المكااااان هااادي; ماغير ولد عمتي يهاوش اخته
وانا اتأمل خلقهم وأردد سبحان الله لله في خلقه شؤون, يالله لك الحمد مدري كيف جيت بنتهم( لاتقولون ليه ) مناظر جعلكم ماتشوفونها,منها منظر ولد عمتي الثانيه كان يقضم أظافر رجوله بفمه وهو منسدح !!!! وش تبوني اقول بالله وإلا وش اسوي ؟!
لا ويطلّع اصوات تنمّ عن تلذذه بهالفعله المشينه !! ( اللهم ياكافي ) 
ويقطع الجو صوت الجرس ونطيييييير للباب ونلقط البيتزا بغت يد فلبينو تروح فيها 
وطيرااااااااان على السفره وهااااااااتك يابلع وماتسمع غير صوت طقطة غازات البيبسي بالكاس
اكلنا وشبعنا الحمدلله وعقب قلبناها لعب وسوالف وضحك اللين وجه الفجر
هذي اشكال الاولاد وهم مستانسين(
)
وذي اشكالنا يالبنات اللي نقوطر ملح واحنا مستانسين(
)
==>>بالله هالاشكال ماتستاهل سجود شكر بعد
الموهييييم قام جدي من النوم وسير علينا بالدور اللي احنا فيه وعقب اذن الفجر قام توضأ وتجهز وضرب الباب
وهنا حدثت المفاجأه او المصيبه بمعنى اصح 
جدي:اصبحنا واصبح الملك لله لااله الله ==>>قاعد يقول كذا وهو يفتح الباب
بسم الله من انت؟؟وش تسوي هنا؟وش تبي؟؟
فلبينو:بلوس
جدي:اقول مناك بس الله يعطينا ويعطيك
ماتحرك الفلبيني قام جدي اعطاه خمسه
وقال: وخر من عند الباب
فلبينو(يرجع الخمسه لجدي):يبقى تلاته ميه
جدي(بغى يطلع بؤبؤ عينه):اقول خذ ذي واحمد ربك عليها وطر من قدام الباب لاتصير علوم ماهيب زينه وقام يأشر بعصاه المصونه,
رجد جدي بالباب ورجع لنا يقول: اذا دق الباب لاتفتحون الله يكفينا شر كل من فيه شر وش ذا الزمن ياربي يالله انك تعطينا خيره زمن اقشر يخوف (معصب الرجال) 
قام اخوي ورى جدي وفتح الباب يبي يشوف وش السالفه ؟؟
ويمسكه الفلبيني من رقبته شوي ويصيح
يقول: جيب بلووس
طاح وجه اخوي
وقال:انا اسف فوفو اللحين اجيبها,,
عيا يفكه
قام اخوي يصارخ من عند الباب وينادي ولد عمتي ويجيه ولد عمتي مااااااسح طبلونه
ويقوله:سلامات وراك تصارخ؟؟
اخوي يتكلم بصوت متقطع هات فلوس البيتزا
ولد عمتي صفق على جبهته صفقه حسيت ان مخه تحرك من مكانه وقعد يقول:يلعن الشيطااااان كيف نسينا؟؟
ويجي ياخذ البلوس ويعطيها فلبينو
اخذها الفلبيني وهو معصصصصصصب ويرطن بكلامهم مدري وش يقول بس شكله والله اعلم لعن جدفنا
المسكين انسلخ وجهه من الحر وانقهر من جدي بعد وخاف انه يطيح بكلاب مايعطونه حقه
والله كلنا رحمناه, وماكنا نبي احد يدري باللي صار صلينا ونمنا وبنت عمتي قامت الساعه عشر الصباح الا وهم قد دروا ويتناقشون بعقابنا==>>والله مشكله الاخبار الشينه بسرعه تنتشر..
قامت بنت عمتي ترسل لنا رسايل على الجوال الوضع مايطمن 
درو بالسالفه والله العالم اننا بنجلد اليوم كل ماقمتو ارجعو نومو..
بس هم ماعطونا فرصه قومونا من اذان الظهر وتهزيء وتهديد وتوعّد, والادهى والامر حرمونا من الطلعه ومن النوم طول نهار ذاك اليوم وماصدقنا يأذن العشا الا وكلن بفراشه تقولون دجاج حالة عدوكم وقسم 
..
احنا الى هاللحين ماندري هم عاقبونا رحمة في الفلبيني ولا عشان الفلوس اللي لهفناها ولا لأننا مابقينا لهم ماندري 
؟؟؟؟
مايستخلص من الخنبقه السابقه:-
1) لاتخاوي دلوخ ومطفرين وكسالى..
2) لاتسرق الا عند الحاجه..
3) اذا جعت اطلب بيتزا..
4) اويلاااااااااه يالبيتزا==>>فاصل
5) قل الحمدلله وبوس يدك وجه وقفا ان اللي يوصلون البيتزا موسعوديين==>>حط نفسك مكان فلبينو
6) يد الله مع الجماعه
7) من غشنا فليس منا==>>مدري وش حشرها بالموضوع بس اعتبرها تنبيه عشان الاختبارات
والى لقاااااااااء في خنبقه اخرررررررررررى,,
هذا الموضوع برعاية بيتزا
7
7
7
7
7
مع بيتزا موووووش حتئدر تغمض عويناتك
.:: منتديات شبكة اهل الجنوب : صفر 07 سبعه ::. 
العرض العادي
