هذي المحاوره بين ابو صالح وهو انا محمد الدوسـي
وبيت الاخ الحبيب والغالي الحـــــــــــــــــــــــــــــــــوت
فله كل التحيات حاضر وغايب ولكم كل الحب والتقدير


الــبــدع ابــــو صــالـــح
.
ان غبت يالحوت عادي غيبتك ما تعـود
وان جيت لا تقلط الا بعد ورد الضيـوف
حتى ولو كنت متهنـدم وتلبـس عقـال
ماهمنا اللبس لكـن شـوف وش داخلـه
.
الـــــــرد الــــحــــوت
.
أهلين عد الشجر وعـداد مامـات عـود
ضيف المعاني الجليلة في بيوتك ضيوف
سمحان ياذا العزوبي ضاري(ن) بالعقال
والراعي الدايخ اللي معـه وش داخ لـه
.
الــبــدع ابــــو صــالـــح
.
لا تلوي الراس متمسكن سوات الهنـود
شرواك ما قدره الا القيـد ولا الكتـوف
والله لخليـك ماتمضـي دروب الـزلال
وتحب كفي غصـب تقديـر ومجاملـه
.
الـــــــرد الــــحــــوت
.
وش حيلتك جاك خصمك بالسيوف الهنود
وعصاك ياذا المدلل عـودت عالكتـوف
أسقيك مادمت عطشان(ن) بماي(ن) زلال
وأقطع يمينـك وأبيعـك بيـع بمجاملـه
.
الــبــدع ابــــو صــالـــح
.
خير السعوديه تنعم بـه ديـار الزيـود
يا ما دعمنا خزاينهـم ميـاة(ن) ولـوف
وهم من اول كما الي سرحتـه فالجبـال
والا كما الي يجي يمشـي ورى القافلـه
.
الـــــــرد الــــحــــوت
.
ذبحتنـا بالكـذاب وبالكـلام الـزيـود
وإنت الذي ساكن بدوعن ومعهم ولـوف
تحتاج ياصاحبي دكتـور وعـلاج بـال
لاتبتلشنـا وتـدري روحـنـا قافـلـه
.
الــبــدع ابــــو صــالـــح
.
اخبرك دفع(ن) رباعي جيب يرقا سنـود
سرندلك موسعه يظبط بـوزن البلـوف
مرتاح من دعسة(ن) للصاجه في كل حال
تصبر لتطعيسة الصحـراء ولـو قاتلـه
.
الـــــــرد الــــحــــوت
.
ودي براحتك خذ لك خلف ظهرك سنـود
الكذب حبله قصير وخل عنـك البلـوف
قولوا لأبو صالح إن الحوت صيده محال
لا يحسب الإبتسامه طول الأوقـات لـه
.
الــبــدع ابــــو صــالـــح
.
ما ينفعك من تعزوالـك بفتـل الزنـود
والي بكفه يصفق لـك علـى مانشـوف
اسمع لعمك وخلك مـن هـروج العيـال
زاد(ن) محـرم بـوجـه الله لا تاكـلـه
.
الـــــــرد الــــحــــوت
.
أبشر بنا في ظلام الليـل نقـدح زنـود
لا تورد البير مادامـك تعرفـه نشـوف
والي تسبـب لقلبـك بالعمـى والعيـال
ماهـو بعمـك توصـي لـه ولا تاكلـه
.
الــبــدع ابــــو صــالـــح
.
حبيت نمزح معك يالفهـد يابـن الفهـود
والا انت غالي وفي ميزان عدات الـوف
يوم الخطل ما يساوي في عيوني ريـال
وصحبتـك مـا بهـا تدنيـس ومحايلـه
.
الـــــــرد الــــحــــوت
.
أنا مسالم معك من عهـد فهـد الفهـود
وفي عهد أبو متعب أشوفك بسيفك تلوف
خاطرك أنا عارفه صافـي بليـا ريـال
سلمان في ديرته وسعـود فـي حايلـه