[align=center]وقفت بآخـر الشـارع أعـد الوقـت وانتظـره

وانا شايله معي وردة وحلـم وكلمتيـن اعتـاب

يمر الوقت يتمخطر..ويمشـي خطوتـه بطـره

تقول انه يذكرني بجرحـي اللـي أبـد ماطـاب

أحرّك عقرب الساعـة وكـدت اتسبـب بكسـره

وانا احرضه مايحسب لاعمار الثوانـي حسـاب

بغيته ينقلب فارس يسل السيـف مـن خصـره

ويقتل مابقي من وقت..يهـدّي قلبـي المرتـاب

احط اشوي من عطري واحط اشويه من عطـره

لعله ينتشـي مثلـي.. ويفتـح للمعانـق بـاب

سرحت بجنـة احلامي..أمنـت لوقتـي ومكـره

واثر نيته لي سـودا وصدقـه غـادر وكـذاب

صحيت آناظر الساعة واذا هي عـدّت العشـره

واقول اش أخّره عني؟ علامه سيـد الاحبـاب؟!

بلومه لاحضر هالحين.. وقام يقول لـي عـذره

واطنش حيل واتغلّى وانا أحس ان فـؤادي ذاب

جلست اراجع الماضي واذا هـو ماكـذب مـره

ولقيت اني ادور له عذر اقـوى مـن الاسبـاب

تناظرني عيون البدر ولا ادري وش ورا النظره؟!

اظنه عارف وساكت علامه عن عيونـي غـاب

حبيبي.. انقضت ساعة وصبري انقضي صبـره

وحلم انولد تـوه اشوفـه فـي عيونـي شـاب

نشف دمي..وانـا واقف..ولاظنـه بقـي قطـره

ولعنته جفن مايقـوي يقيـد دمعـي المنسـاب

ولجل ذرة أمل بقيت..نويت اجلـس الـي بكـره

لعله يذكـر احقـوق يبيهـا اقـرب الاصحـاب

وقام الصبح متثاقـل يجـره فـي كسـل فجـره

يقلي اعتقد قلبك مـن ذنـوب المسـاري تـاب

جمعت اشلاء دمعاتي.. وحفنه من عنا الحسـره

وقمت ابكي علي هم حفر فـي داخلـي سـرداب

صرخت ازهم على نفسي وش اللي باقي انتظره

مشيت وداخلي هـم وحلـم وكلمتيـن اعتـاب [/align]