تسوج رجلي كل ماهزني الشـوق
لمدهال متعود ارى فيـه ضوحـي

واجر صوت بعبرة الدمع مخنـوق
عل وعسى يوصل مع الريح نوحي

اسمع رزيم رعود واخايل بـروق
والغيم شح بقطـره تـرد روحـي

كانه من اول لى سمع صوتي يروق
واليوم يسمعنـي ولا كنـه يوحـي

سري اسرته ماعرف عنه مخلـوق
لكن بعيني بـان ماخفـاه بوحـي

عاشق وفاقد له من العام معشـوق
دكتور ماغيره يـداوي جروحـي

من كثر ماحبه وله منزلـه فـوق
كـن القـدر دون غلاتـه بلوحـي

القلب بعده ماخفـق لاي غرنـوق
والعين تسالني متى يعود ضوحـي

يانفس صبرك كل مطرود ملحـوق
ولا فمـان الله يـاروح روحــي