من هـ المكــــــــــــــــان ......!!!

الشــدوي · 04-22-2008, 09:58 PM

في هالمكان اللي جمعنا على الطيب
................ بديت مشوار القلم والكتابه
أخطي بعض أحيان وأحيانٍ أصيب
................ ويوم فرح عشته ويوم كآبه
ويوم يجي راسي منه يشتعل شيب
................ ويوم يجينا ما حسبنا حسابه
عرفت وتعرّفت بـ أهل المواجيب
................ اللي لهم فـ القلب قدر ومهابه
ناس تعلّت فوق روس المراقيب
................ في كلّ موقف فعلهم يحتذا به
لا جيتهم لبّوا جميع المطاليب
................ في حزّة الضيقه سند يعتزا به
وناس فوجهك حكيهم فيه تهذيب
................ وان غبت يغرس فيك بالسم نابه
أن رحت عنهم سرّبوا الحكي تسريب
................ وأن جيتهم قلبك تعاظم مصابه
وجرح الخوى يبقى مع الوقت مايطيب
................ والاّ النذل جرحه نعدّه دعابه
واللي تنكّر عقب ذيك المطاليب
................ مالي بقربه دام قربه نشابه
واهل الحكي مازادني حكيهم عيب
................ ما هزّني حكيه ولا من سعى به
أهل الوشايه وناقلين الأكاذيب
................ مابي صداقتهم ولا ارجي إقترابه
والله ماتجني معاهم مكاسيب
................ ولا ينفعك لاضقت كثر الرجا به
اهون عليّ اعيش دنياي تغريب
................ ولا اعيش عيشة نذل خاين صحابه
سرّي مكانه فالحشا له دواليب
................ ما ينفتح مادمت انا حيّ بابه
وعهد عطيته شاهدي عالم الغيب
................ ماخنت به لحظه ولا القلب جابه
وافي مع الوافي بعيدين وقريب
................ من صغري تعلّمت معنى الوفا به
ياللي تقول الحكي جالك بترتيب
................ لولاك ما يلقى العذول إستجابه
رح لـ الذي غرّك بزيف الأساليب
................ وان قالها الله غير تبكي صبابه
خلّه يودي لك دعايات ويجيب
................ ولا بدّ ما يعلن عليك إنقلابه
ياعاذليني !! يكفي القلب تعذيب
................ خلّوا خفوقي يوم ينسى عذابه
قلبي مع اللي فالحشا له مضاريب
................ اللي ملك روحي وعقلي سرى به
حبُ سطابي ذوّب القلب تذويب
................ يبقى مع الأيام وسم الغلا به
حبٌ شرف ما خالط الشك والريب
................ حبٌ عن الزلات محمي جنابه
ماهو مجرد حب يروي المكاتيب
................ أو زيف حلم يمرّ مثل السحابه
أحباب دمتم لا عتاب ومعاتيب
................ يقولها الشدوي وهذا جوابه
وأن خانني حرفي وفاكم بلا ريب
................ يدمح خطاي وزلتي تنمحى به
وكما بديت الأمس بأجمل تراحيب
................ اليوم أودعكم وداع القرابه
وفي هالمكان اللي جمعنا على الطيب
................ أبنهي مشاوير القلم والكتابه

الشــــدوي

ياسر الزهراني · 04-23-2008, 01:55 AM

[align=center]
؟؟
؟

ياصقـــر ياقرنــاس يــا نمــر يــا ذيــب
الــذيب مـــاله عيـــش دون الذيــابـــه

في العــِــلم ودي بـشــرح ٍ وتـقــريـــب
مــا نـــاخذ الطيـّـــب مشـــاع ونهابــه

والعــله اللـــي تبقـــى بليـــا تطابيـــب
تبـقــى مــع الـرجـّــال حتى بـتـرابــــه

الهــرج وانـــا اخـــووك ماهو بتعذيب
خل اللــذي يهــرج وهــرجه غـــدا به

واللي نــــزل تسمــع لرجلــه دراديـب
واللي انتصب صعبٍ عليه انتصـابـــه

وكمـــا بديت الامس باجمل تراحيــب
مــالك غنـــاةٍ عننــا و واحنــا قـرابه

وفي ها المكان اللي جمعنا على الطيب
ماينتـهي المشــواار بــأجمل كتابــه

تكفى وخذ من عيني اغلى المطاليب
وابقى ومن يشنــاك زووّد صـوابــه

,
[/align]

ABU-KH@LED · 04-23-2008, 02:04 AM

عسى الله لا يجيب المفارق يالذيب

هونها وكل جرح لزوم انه بيطيب

فـــــ جنوبيه ـديتني · 04-26-2008, 01:45 PM

صح لســـــــــــــانكم جميع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

.:: منتديات شبكة اهل الجنوب : صفر 07 سبعه ::.


للأعـلان في المساحات الأعلانية أو للأستفسار او إقتراحاتكم او الشكاوي بالمنتدى يرجى الأتصال على صاحب الموقع // فهد العمري \\ جوال : 0503017193