[align=center]
[/align]
السلام عليكم<<== وعليكم السلام
وش اخباركم
عساكم طيبين
صبحكم/مساكم الله بالخير<<== حسب ماتشير اليه ساعتك
وكل سنه وانتم طيبين ويارب تكون هالسنه فاتحة خير على الجميع ويتحقق لكل واحد فينا اللي يتمناه
(
ويارب رجع كل حبيب لحبيبه دام الحياااااة ببعدهم حيييييييل صعبه)
من زمان ودي اقرقر معكم ، بس المشكله مو في القرقره . المشكله تكمن في موضوع القرقره ، لان القرقره تعتبر من اهم انواع العلاقات التي تربطك مع الاعضاء بشكل جيد اذا اجدت القرقره
وبعدين القرقره اذا صارت قرقره مفيده ما عليها حسايف؟؟؟ الا على طاري حسايف وش اخبار الاسهم <<<<== ما على الملحوس شرهه
نرجع لمحور حديثنا اللي هو القرقره
بس بما اني جبت طاري المحور حبيت اعرفكم ان المحاور هي س و ص يعني نقول ان محور الصادات عمودي على محور السينات والعكس صحيح طبعا
<<<== المخ مفقود هع هع هع 
الموهيييييييم
ادري اني زودتها على غير سنع ، بس أكلت فول وتنحت و مسكت اني اقرقر عندكم في ذا
لأن القرقره معكم ما تنمل
اليوم بقرقر معكم على سالفة صارت معي قبل ليلتين بس ببهرها شوي
المهم يا جماعة الدجه اني قبل ما انام جلست اذاكر
<<== ما تمسك معها المذاكره الا اذا جات تنام
والله وانا امسك القلم والدفتر واجلس اذاكر واحل برامج واخترع تمارين من راسي واحلها<<== طبعا اخترع تمارين سهله لو يجي اخوي الصغير يحلها على طول
واخترع خوارزميات للحل في الاختبارات وطلعت معاي هالخوارزميه ناجحه 100%
و بعد ما خلصت المذاكره حوالي الساعه 3 في الليل اتجهت الى الكوفي اللي هو مطبخنا الموقر واصقع بكاسين لبن حتى اصبحت عيوني كعيون البومه
<<== فول ولبن احلى تنحه 
صرت ماعاد اشوف يا بنت وش الحل كيف اروح للغرفه انام 
؟؟؟؟؟؟؟؟؟؟؟
والله واتذكر ان ابوي مره حط في درج من ادراج المطبخ كشّاف ( مصباح متنقل )
والله وانا اخذ الكشاف واشغله والحمد لله انحلت المشكله من دون اي عوائق
<<==وش دخل النور في التنحه بس مشوووها
المهم وصلت باب الغرفه وافتحه بقوه شارسه من كثر اشتياقي الى وطني اللي هو السرير والوساده والبطانيه
دخلت الغرفه وفتحت السهاريه واجي طايره وانط هاك النطه اللي جاكي شان يبطي ما يسوي مثلها 
والله وانا انط على السرير بس المشكله جبهتي صفقت على حافة السرير تهئ تهئ
بعد الصفقه نمت مدري اغمى علي انا ما استوعبت نفسي الا وجرس البيت يرن
رن رن رن رن رن رن رن <<== من عرفت البيت ما غيرنا نغمة الجرس
عاد اهلي كلهم نومهم ثقيل ما فيهم الا انا نومي مثل نوم الذيب اسكر عين واغمض عين
لوووووووووول 
المهم صحيت وقلت يالله عسى خير اصبحنا واصبح الملك لله
كانت الساعه 4 قبل الفجر
انا جا على بالي انه الهندي اللي يغسل سيارة ابوي لانه متقاول معاه كل صباح يجي الساعه 6 ويغسل السياره قلت يمكنه مضيع السطل وجاي يعتذر عن الغسيل هذا الصباح
وانا اتجه للجرس <<=== بغى يهرب الجرس يوم شاف خشتي وانا صاحيه من النوم 
جنوبيه اللي هي انا : ياخوي السياره عند الباب اغسلها وطس
الطارق اللي طرق الجرس : صوت تمساح و قال ليه وش شايفتني هههههههههههه
انا : طبعا ذبت على الجدار من سمعت ضحكته ، وقلت لا اسفه حسبتك كومار 
التمساح : عادي جنوبيه حصل خير
انا : طيب وش تبي جاي الساعه 4 ترى اهلي كلهم صاحين يتهجدون اخاف يدعون عليك
<<<===تعلموا من الاخلاق والاسلوب امححححق
التمساح : هذا احسن وقت اجي فيه لاني جاي ابي انبهك
انا : وش تنبهني فيه؟؟؟؟
التمساح : انبهك اني على الباب !!!!!!
انا : لاياشيخ جبت شي جديد اقوووووول لايكثر وقولي من حضرتك <<== والله اني مؤدبه يا جماعة
التمساح : اطلعي وتعرفيني يا حبيبتي 
زادت عدد طربقات قلبي وقلت : اجيك يسلم راسك وشلون ما اجيك خخخ
المهم والله وانا اتجه للباب الخارجي من دون ما اغسّل وجهي والغمص تارس عيوني بس كله لعيون المزيون اللي برى اخاف لا اتأخر عليه ويروح ثم اقعد اهوجس من يكون ياترى؟؟==<<على فكره ترى المتنبي كان ياخذ دروس خصوصيه عندي
المهم وصلت الباب، بس المشكله انا اذا جيت انام البس بجامه البلوزه من ديره والبنطلون من ديره ثانيه==<<انيقه حتى بنومتي
المهم وقفت عند الباب وجالسه افكر اطلع له كذا بالشكل هذا والا اروح البس وارجع
بس بعد التفكير قلت الحمد لله انا مزيونه وكلي حلى يعني بطلع له بشكلي هذا وغصبن عليه بعجبه خخخخخخخخخخخ <<<<< واثقه البنت
المهم مالكم بالطويله
فتحت الباب وشفته وياليتني ما شفته
يخوووووووف
وربي كلكم تعرفونه تهئ تهئ تهئ تهئ تهئ
بس انا ابي افضحه عندكم واعلمكم من هو علشان تنتبهون منه
هو !!
انزلو تحت انا خلاص وعدتكم اني اقول من هو ...
7
7
7
7
7
7
شبح الإخـــــتـــــــبــــــــــــارات
خلاص راح الكثير وما بقي الا القليل ، الاختبارات على الابواب ، يعني بالذات انتم يالتماسيح والسحالي المصرقعين تراني اعرفكم زين منتم براعين دراسه 
شوفوني انا وش حليلي ومصرقعه معكم بس خلاص الاختبارات اذا جات اصير دافور
<<== ايه هيّن والله لو مااهلي كان اسنتر في ذا
المهم اياني واياكم احد يرسب ، اللي بيرسب ابعطيه باند من المنتدى علشان يتأدب
واللي ينجح اقوله مبروووووك
<<<== ما تعرف الهدايا خخخخخخخخخخخخ
يالله شدوا حيلكم وانجحوا لا تخلون الآقسام الثانيه تضحك علينا
<<<== تخاف على مصلحة الاستراحه
وفي الختام
اسأل الله العلي العظيم ان يوفقني ويوفقكم في الدنيا والاخره
<<==يااااااملحي وانا عاقله واعطي نصايح احس اني مو انا وه فدييييتني
ما يستفاد من الموضوع 1 ـ جنوبيه غير تعّرفت على الاختبارات وكوّنت معها علاقات انسيابيه.
2 ـ في الامتحانات لن تنفعك صرقعة المنتديات<<==ابوي يقوله ولحد الان مافهمت هالعباره
3 ـ تجنّب أكل الفول وشرب اللبن .
4 ـ تجنّب الحركات البهلوانيه اللي منت بقدها خخخخخخخخخخ .
5 ـ اذا بتنام ، نام وانت مكشّخ علشان المواقف المحرجه .
6 ـ ابي المنتدى يتقفل اللين اخلص اختباراتي عشان ما انقهر
.
7 ـ الان استعن بالله ونام بالقميص الازرق ولكن في الاختبارات سوف تشاهدها
" استعن بالله وجاوب بالقلم الازرق "
وســــــــــــلامتكم
تقبلو تحياتي
اختكم/
جنوبيه غير
.:: منتديات شبكة اهل الجنوب : صفر 07 سبعه ::. 
الاختبارات(شوفو وش سوت فيني)
العرض العادي
