الهنوف اللي سرت من نجد وامست بالحويه


ضيقت صدرالرياض وسافر الطايـف وجاهـا



وانثنـى غيـم الحـجـاز لـخـد نـجـد النرجسـيـه


يـوم جاتـه مـن زعلهـا كنهـا تقـصـر خطـاهـا



زعلوهـا ورحلـت واخلـت قـصـور الفاخـريـه


والحقتني شرهة الزعلان واخطاني رضاهـا



سـافـرت والله ماخـبـر الـلـي يزعلـهـا علـيـه


واستباحـت لله الخيـره سـهـر عيـنـي ومـاهـا



ليتهـا يـوم استباحـت دمـعـة العـيـن الشقـيـه


ماستباحـت دم قلبـي مـن خلاهـا فـي خـلاهـا



سامـح الله ظلمهـا واطعونهـا الخضـر النديـه


والله يسامـح خناجرهـا ويعفـو عــن خطـاهـا



عرضـتـنـي للهبـايــب والـظـمـا والمهمـهـيـه


واتركتنـي للزعـل والشـوق والكبـر وغلاهـا



والـغـلا مـاهـوب فيديـهـا ولا هــو فــي يـديـه


الغـلا شـي مــن الله واشـهـد ان الله عطـاهـا



من غلاهـا لـو توردنـي علـى حـوض المنيـه


كنهـا تسقينـي الشهـد المصفـى مــن شفـاهـا



ومـن حلاهـا ماتوصفهـا الحـروف الابجـديـه


كيف توصـف وردة يبـري مـن العلـه شذاهـا



الـــورود تـغــار مـنـهـا مـزهـريـه مـزهـريـه


وان تباهـات عذرهـا معهـا يحـق لهـا تبـاهـا



مايشـابـهـهـا شـبـيــه ولا يـحـالـيـهـا حـلــيــه


جـل رب يـوم صورهـا فرقـهـا عــن سـواهـا



لاقبلـت هيجنـت وان اقفـت جذبـت السامريـه


واعـذابــي لاعطـتـنـي وجـهـهـا والا قـفـاهــا



ان بدالـي وجهـهـا يسـعـد صـبـاح اليوسفـيـه


وان غشتنـي نفحـة مـن ليلهـا يسعـد مساهـا



درّه بالـمـوت مـحـروسـه وبالـبـحـر محـمـيـه


البحر من دونها والموت الاحمر مـن وراهـا



دونها ماغليت وسم اهلي ولا اشداد المطيـه


مرخص فالقـاع عمـري والثريـا فـي سماهـا



لايـمـي يـبـلا بـحـب الحـضـر بعـيـون بـدويــه


فــي ظــروف مايـقـارن مسـتـواه بمستـواهـا



الله اقــوى يافقـيـر القـلـب ابــو نـفـس غنـيـه


مالـك الا الصبـر والجنـه لقـاهـا مــن لقـاهـا



والهـوى اللـي يطـرح الرجـال فيديـن اجنبيـه


عـلــة بـالـجـوف لاتـبــرا ولا يـلـقـى دواهــــا



والهنـوف اللـي لـرد الـثـار تاخـذهـا الحمـيـه


شفتها بالعيـن فـي قلبـي وهـي تاخـذ قضاهـا



وشفتهـا تشـتـاق تطعـنـي بــلا ذنــب وخطـيـه


كثر ماتشتـاق لاعماقـي وانـا اشتـاق لدفاهـا



كــل ماعـرقـت بميسمـهـا تـحـريـت الـخـويـه


والحقت الميسـم الميسـم كذا...علـى عماهـا



عااااقبتـنـي كــل يــوم تـلـحـق الـكـيـه بـكـيـه


واتعبتنـي وادركتنـي والحقـت نفـسـي مـداهـا



وان تمادت جهزوا قبري وانـا باكتـب وصيـه


باكـتـب الله لايعاقبـهـا ويـرضـى لــي عـلاهــا



الـعـمــار تـلـفـهـا الايــــام والـدنــيــا مــديـــه


والسنيـن اتلفنـي والنـار تحـرق مـن وطـاهـا



علموهـا تلحـق الباقـي مـدام الشـمـس حـيـه


واتـغـانـم مـابـقـى مـنــي وماتـطـلـب فــداهــا



لاتـمـادا فــي جـفـاهـا والـريــاح الموسـمـيـه


ماتـقـدر وقـفــة الاشـجــار وتـثـمـن عـطـاهـا



وعلموهـا مابقـى لــي غـيـر ادن الهاشمـيـه


كـان ترضاهـا عـلـي ولاتـهـون مــن جفـاهـا



وانصحـوهـا لاتحـمـل نفـسـهـا نـفــس بـريــه


وذكـروهــا بـالـقـبـر لاعـلـهــا والا عـسـاهــا



وعـلـمـوهـا عـلـمـوهـا لاتــطــول بـالـحـويـه


ديــرة ماهـيـب ديرتـهـا لــو اعجبـهـا هـواهـا

قصيده للشاعر ضيداان نقلتها لكم
عسا تنال اعجابكم حبايب قلبي