كــذا يعـنـي .. كــذا فـجــأه .. تـغـيـر كـــل شـــيً فـــات
كـــذا زالـــت مـواثـيـق الـغــلا والـحــب مـــن ذاتـــك !!

كــذا كـنـت .. كــذا صــرت .. كـــذا خـيـبـت الـهـقـوات
كــذا .. والا كـــذا .. ضـيـعـت دروبـــي وخـطـواتـك !!

انـــا مـــل الامـــل فـيـنـي .. يـــدور للـشـفـاه اصــــوات
عجز صوتي ينـادي لـك .. قضـى قلبـي مـن سواتـك !!

نصيـتـك والـوفــا زادي .. رحـلــت والـقـلـوب اشـتــات
مصايـب والرجـا خـايـب .. تـقـود خـطـاك رغبـاتـك !!

كـبـيـره طعـنـتـك هـــذي .. تـعــودت عـلــى الـطـعـنـات
غريـبـه حـيـل ذا الـمـره .. ولاهـــي مـثــل طعـنـاتـك !!

سـألـتـك بــالــذي خــلــى عـيـونــك تــــذرف الـدمـعــات
تـكــف الــدمــع لاتـجـنــي عــلــى خــديــك دمـعـاتــك !!

انــا مــا قــد خـبـرت انــي تـعـمـدت اجـرحــك بـالــذات
وانـا ماهمنـي غـيـرك اعـيـش مــن اجــل مرضـاتـك !!

سرقـتـك بـالـزمـن لـحـظـه وعـشـتـك بـالـفـراق اوقـــات
ولا ادري وش بقـى لـي بالعـمـر مــن دون لحظـاتـك !!

أحـبـك .. رحــت ادور فــي قـوامـيـس الـبـشـر كـلـمـات
عـجـزت الـقـى حــروفٍ تستـريـح بـصــدر كلـمـاتـك !!

أحبـك .. يــا ..؟. فـجـر الـجـروح وصـحـوة العـبـرات
أحـبــك .. كـلـمـةٍ تـبـكـي معـانـيـهـا عــلــى شـفـاتــك !!

تـظــن الـوفــا كـلـمـه عـجــب وأصـــل الـوفــا وقـفــات
صغـيـر الـشـي فــي ظـنـك يصـيـر اكـبــر معـانـاتـك !!

تـــــرد الـخــطــا يــمـــي .. تــزيـــد الالـــــم شــرهـــات
وانـا صمـت الشقـا فينـي حكـى مــن كـثـر شرهـاتـك !!

تـوالــت كـلـهـا فـجــأه .. تـعـاظــم بـالـحـشـا صــدمــات
يـجـي يــوم وتــواري شمسـنـا مــن لـيــل صـدمـاتـك !!

ذكـرتـك .. والــدروب الـلـي تعـانـق خطـوتـك بـسـكـات
وانــا مــا زلــت اسـافـر بـيـن نظـراتـك وضحـكـاتـك !!

ذكـرتـك .. وانطـفـى جـمـر الـكـلام وذابـــت الشـمـعـات
سـهـرتـك واسـتـفـزيـت الـنـجــوم بـلـيــل خـصـلاتــك !!

تـعــال .. واذرف دمـعــك عـلــى قـلــبٍ كـثـيـره مـــات
تـعــال .. وخـــذ الـبـاقــي يـفـيــد لــوقــت عــزواتــك !!

تـــعـــال .. لاتــخــلــي الـسـنــيــن الـمـقـبـلــه تــقــتـــات
مـــــــن افـــراحــــي ولـحــظــاتــي .. وذكــريــاتـــك !!

تـعـال .. وواعـدنـي .. لاشـقـا .. لاكــذب .. لاغلـطـات
تـرى مــا للصـبـر بـاقـي عـلـى كـذبـك .. وغلطـاتـك !!

تـغـيـرت ولا ادري وش جـــرى .. وش غـيــر الـنـيـات
سألـتـك واعتـكـف بــرد الـجـواب فـمعـطـف آهـاتــك !!

تقـول انتـي فـي راحــه .. واقــول مــن القـهـر هيـهـات
انــــا لا جــيــت لـلـراحــه .. تـطـاردنــي مـسـافـاتـك

من البريد ................................