منـك العـذر وأنا عـلـي المـعـذرة
لاتحسب حسـاب هجـر ولا هجيـر

كـل ذنــب بتذنـبـه بستغـفـره
واحـد مايعـذرك مافـيـه خـيـر

دور بصـدري وطـن واستعـمـره
عنـدك مـن الضلـع الأول للأخيـر

عيش فينـي ودمـر اللـي تدمـره
واعتذر لـي واعتبـر سـرك فبيـر

لاتبشـرنـي بـجـرح وتـذخــره
لاتعشمـنـي بـحـزن وتستخـيـر

ولاتنومـنـي بلـيـل وتـسـهـره
ولاتنـام الا ونـا جفنـي سهـيـر

خلنـي مثـل النـجـوم مبعـثـره
عيـش فينـي لاشهيـق ولا زفيـر

لاتقـول العفـو عـنـد المـقـدرة
خل قلبك صلـب وحسابـك عسيـر

المسـامـح والـزعـل للمـبـزره
والا أنـا لانـي زعـول ولا صغيـر

ودي أدري كيـف للحـزن أثـمـره
ودي أقطـف مـن قساوتـك العبيـر

ودي أجفـل مـن فراقـك وأحـذره
ودي أعرف لو فقدتـك وش يصيـر

لو تقـدر خاطـري صـدق أكسـره
لـو صحيـح تحبنـي لاتستشـيـر

أزرع بقلـبـي سـبـب يستنـفـره
أثبت أنـك غيـر وأن النـاس غيـر

شاعـرك ماكـل بنـت تجـرجـره
حارت بـه عقـول نـاس ماتحيـر

النسـاء مـا حركـن فيـه اشعـره
ثـار عشـق ومالقـى شـي يثيـر

أن سكـت كـن الوقـار بـمنبـره
وأن تكلـم زمهـريـر بزمهـريـر

مايحضـر الا القـلـوب مجمـهـره
ومايغـيـب الا وعشـاقـه كثـيـر

أن هجـرتـه تستـقـر بمحـجـره
وأن تبعـت رضـاه ماعينـت خيـر

اسكنـه لـكـن بـعـد ماتهـجـره
ابتسـم لـه بـس لاشفتـه كسيـر

حـن لكـن حـن لاجبـت اخـبـره
حـب لكـن خـل حبـك بالأخـيـر

لو عطيته وجهـك أعطـاك اظهـره
صد عنـه ويتبعـك مثـل الضريـر

لاتـحـاول تكسـبـه ماتخـسـره
صير ثلج يصير لـك مثـل السعيـر

ماتميـل الا الغـصـون المثـمـره
ومايسيل مـن الجـروح الا الغزيـر

مـن قبـل لاتنقهـر منى أقهـره
قبـل لايستحقـرك خـلـك حقـيـر

استفزه،شتـتـه، فــجّ انـّحــره
اعشق،أكره،عاتب،أشّره،حنّ،غـيـر

أنثـره ،لملمـه ، لملمـه ، أنـثـره
صد ،كابر، طيـر لـو تقـدر تطيـر

مـن متـى وانـا تحرالـي مــره
تثبـت أنـي لاوقعـت أوقـع كبيـر

أبك أنا مقطوع من غصـن اشجـره
لاصديـق ولارفـيـق ولا عشـيـر

ابـدوي شيـب الصـبـر اشـعـره
ماعرف ريـش النعـام ولا الحريـر

أن غفـى كـن السحـاب يـدثـره
وان صحى يفرش من الرمضى حصير

ماخـذ مـن قسـوة البيـد أكـثـره
ومن شموخ البـدو شـر مستطيـر

جنتـه صحـراه والشـوك أزهـره
والسـراب بنظرتـه مثـل الغـديـر

أن فــزع يامشجـعـه يامظـفـره
من خلـق الله وهـو قـرم وفقيـر

كـان ماتقـدره قــول ماتـقـدره
صير غالـي صـدق والا لا تصيـر

الغـلا اللـي ماتزعزعـه اهـجـره
كـان قلبـك لايـجـار ولا يجـيـر

شوف لـك واحـد بليـد استحقـره
واجد اللـي يعشقـون بـلا ضميـر

بس أنا لـو جبـت لـي ميـة مـره
ماتحـرك فـي شعـره لـو تطيـر


لــ ( حــاإمــد زيــد ) ..!!