بسم الله الرحمن الرحيم


السلام عليكم ورحمة الله وبركاته





يقولون ان في بنت تمنت تشوف شلويح العطاوي تسمع انه رجل شجاع وانه مشهور بالحيافه وانه وانه ...

قالت : عليه الله الي وريني شلويح لاعطيه قعود اشقح

المهم يوم من الايام وشلويح جاي وهو ربعه ماخذيلهم ذود بعارين ويوردون على موارد البنت هاذي
يوردون بعارينهم ويملون قربهم

والله وشافه واحد من هالفريج والا يعرف ان هاذا شلويح العطاوي محتزم وعاصب راسه وينكس الدلو ويصب لركايبه ولركايب اخوياه

عود الرجال ركض لعند البنت عشان لاحد غيره يسبقه وقال : ها تعطينا قعود اوظح ان وريتيك شلويح قالت : الله الله

ويجي وياها الين وقف قدامه وقال: هاذا شلويح العطاوي قالت : هاذا شلويح قال:هاذا شلويح سائلت الرجال قالت : انت الشلويح قال: الله الله
ماهب مصدقه طالعت فيه الاوالله من هالسموم ومن هالحر والشمس والبرد والحاله المبروكه والسفر والجوع اسود شانطه الشيب اثيابه حالتها حاله

وقالت : مترك لفاني وشوفك ماهجاني

يعني صيتك وصلني لا كن ماشبعة يوم شفتك

تحسب ان هاذا شلويح يومه بطل انه شاب من هالشباب المطنوخين الي طوله مترين ومايحتاج

الا والله اشلويح اثرت فيه الكلمتين الي قالتها البنت وقال فيها هاذي القصيده



يابنت يالي عن حوالي تسئلين ............. وجهي غدا حام السمايم بزينه
ياماسهرت الليل وانتي تنامين ............ وهمك ان طاح اغطاك تستلحقينه
وانا زهابيب الشهر قدر من الدين ............ مايشبعك يابنت لو تلهمينه
وانتي زهابك بالشهر قدر حملين ............ ماعدر ذود مصلح تشربينه
ومر مضحي والمضحى يجي زين ............ ومره انشيله بالمزاود عجينه

وهاذا الي مخلي وجهي متغير وحالتي حاله

وسلامتكم..