النفس عافت طريق اللي يخادعهـا........والعهد مني لزوم الكذب تشقي بـه

شروق شمسك يموت بوقت مطلعها........تشوف غدرك يموت بلجة اسبابـه

دموع ضعفي عليك اليوم بجمعهـا........دموع ماسٍ علي تاجك تحلـي بـه

والمهرة اللي تحسْب الجرح طوعها........مسكين قلبك يظن مهـور تتشابـه

عليك ابجمح وابين طـول فارعهـا........شموخ عزٍ نظر عينك تعلـي بـه

بصهل صهيلٍ وكود اذنك بسمعهـا........لامنت فارس تعرف الاصل بانسابه

ياما فوارس تغنـت يـاه مادلعهـا........ولاصلت مهرٍ بعزة سبـع وذيابـه

ويمين عينك تجـوع ولا اشبعهـا........تجوع شوفي وعنك بسدل احجابـه

بجرح عيونك واذبـل ورد يانعهـا........واجن عقلك تدور وينهـا اصوابـه

والله تندم وروحك منـك اطلعهـا........رماك قلبٍ غدرتـه قفـل ابوابـه

واذا لفونـي بغواروحـك ارجعهـا........هذاك ميت وقربـك لـه بيحيابـه

اشمخ ودمعٍ علي خدودي تلامعهـا........خلاص ميت وهلوا باقـي ترابـه



و ســـــــــــلامتـــــــــــكم