السلام عليكم ورحمة الله وبركاته أخواني وأخواتي

هذه قصيدة للشاعر عبدالله المسعودي { ألله يرحمه}

وهو بعنوان" كل إناء بما فيه ينضح"
ياقلب يالي توصل العشق حده ... من لا يودك وش تبابه توده

ماعاد لك يم المقفين لده .. وإلي نسيك إنسه ولا تلتفت فيه

إحفظ سنينك لاتضيع عددها ..لا بد يبقالك سنين بعدها

قال المثل من عز روحه وجدها.. هذا الكلام إلي مع الناس نوحيه

نوحيه من عهد العصور القديمه ... وإلي يبيعك بيعه باخس قيمه

من لايشوفك خير ماهو غنيمه ... جرب وكل إناء ينضح بما فيه

ولاعاد تامن من ضحك لك بسنه .. البيض غدارات من يومهنه

والحب كله نار مافيه جنه ... يانار وإلي يقرب النار تكويه

وقال قلبي لا تعذل عليه .. وانت البلا وانته زمام الخطيه

واليوم أنا مشبوك شبكه قويه .. أشكي على الطير المهاجر ووصيه

اقول أخذ علمي لخلي وهاته ... خله يخبرنا بقصة حياته

ياليتنا نقدر نسوي سواته ... مادامة إنه ناوي الهجر ناويه

قلت أنت ياقلبي عروق جريحه .. ومصنجه ماتستمع للنصيحه

وانته سببك من العيون المليحه .. إللي تبا ترسله الطير ترميه

ياقلب وطيور الهوى في سماها.. ياليتنا نقدر نسوي كماها

وانت إبن آدم كيف تفهم لغاها .. والطير من يفهم كلامه يلاغيه

قال الطيور إلها بخلي علاقه .. الصقر عينه والغرينيق ساقه

وله من الهدهد جناح الصداقه ... ومن الحمامه لحنها إلي تغنيه

على الغصون اللينه ياحمامه .. ذكرتي القلب المولع غرامه

الله يجيب أصحابنا بالسلامه .. إحنا نقوله ياحمامه وقوليه

ون كان ونك ياحمامه حزينه ... وني على محبوبك إلي تبينه

ياهني محبوبك يجيك وتجينه .. وانا حبيبي لا يجيني ولا أجيه

ياونتي ونت صويب الهلاله .. عودٍ قصر شوفه وماتو عياله

تزهد من الدنيا ليا شفت حاله .. قاصر جدى عما يصيبه ويخطيه

ولا كمى ونت صويب النشاما ..عاشوا عياله عقب موته يتام
ا
له ونة تصحي قلوب النياما .. ونة وفاته يوم ربي دعا فيه

أكن ثم اون مما جرابي .. ونة طعين الرمح حد النصابي

واغيب يارباب الهوى عن صوابي .. بالخص يوم أسمع مع الناس طاريه

ياما بنا مير الضروف تحدانا .. أنته ونا نبكي وزايد بكانا

نبي على إلي راح يبكي علانا .. بالحيل يبكينا وبالحيل نبكيه

على إلي اقفوا والمدامع نهامل .. مثل العرق في القيض من صدر عامل

ويجر صوته مثل صوت ألأنامل ... ماودي أسمع به ولا ودي أوحيه

قالوا تمنى قلت يالله تجيبه .. الحب بلوى والفراق المصيبه

مايونس المخطر سوى من كويبه .. يامخطراً في داخل القلب يكويه

عن الحبيب إلي يوافق مراقي .. والله ماهاين علي الفراقي

لوهان عندي قطع رجلي وساقي .. الساق يلقاله طبيباً يداويه

ون كان ودك ياحمامه تعرفين .. وذا رسلتك له برسله تروحين

لربط لك المكتوب بين الجناحين .. وإشكي عليه الحال والحال شفتيه


.
.
وسلامتكم