بتوفيق العلي القدير أنتقلت الى المرحله الثانيه في خطوة مهمه في مسابقة شاعر المليون في نسخته
الثانيه لهذا العام فقد تم أجازة قصيدتي والحمدلله مع أشادة اثلجة صدري من كافه أعضاء اللجنة اليكم القصيدة مع خالص دعائكم بالتوفيق ..
هبت نسايم غيبتك وأبداخلي مشهد أخير
سؤال مات من الضما يطرد سراب الاجوبه ؟
من قطع أوراق اللقا وأخفا ملفات الضمير
ومن هو مسح عهد الهوى قبل الحقيقه تكتبه
ومن هو سرق ضحكة أمل من مبسم الطفل الصغير
وأهداه لعبه للاسف فيها ملامح مرعبه
حبيبتي راح القليل اللي عثا فيني كثير
وطاحت بقايا دمعتن في وسط عيني معشبه
القلب ذاك اللي يحبك صار يبحث عن مصير
مرات يشرب حسرته ومليون مره تشربه
ضامي فرح عاري أمل من يطعم القلب الفقير
من هو يضمه قبل ما ريح التجافي تسكبه
وأنا آتسكع في شوارع غيبتك مثل الضرير
والوقت بغيابك أعده بالثواني واحسبه
لا لا تهزي غصن قلبي ، تزعجي حلمي و يطير
ولاتقتلي فيني طموحي / والأمل / والموهبه
جيتك أدور من ضما روحي وسط عينك غدير
جيتك وانا كلي فرح والحزن سايق موكبه
ماجيت أدور حب عابر أو أدور شي مثير !
ولا جيت أدور ، دور في فلم المحبه أللعبه !
حبيبتي لا تسألي ثوب الفرح وشبه قصير
ولاتسألي عيني عن اجفاني بلاها متعبه
قولي تر ى ذاك الألم ياخذ من أحساسي كثير
وقولي ترى ذاك الحزن ياخذ من أعيوني شبه
لو طفت هالعالم أحس أني وسط عينك أسير
لني لقيت ابها جميع الأسئله والأجوبه
.:: منتديات شبكة اهل الجنوب : صفر 07 سبعه ::. 
![الصورة الرمزية ~[بنت غامد]~](http://www.07ksa.org/vb/avatars/u34056.html?dateline=1223264476)
العرض العادي
