الله يحيكم





قبل فتره كان اخوكم في الله مداوم بالجامعة فاانتهت المحاضره بعدها كان في محاضره ثانية وكان بينها وبين المحاضرة الثانية نصف ساعة تقريبا المهم رحت للمكتبة اطقطق على النت كالعاده وكان معي اثنين من اخوياني يوم وصلنا للمكتبة والا نسمع ذاك الصياح تقول قامت القيامة المهم رحنا دخلنا المكتبة والا نشوفلك ذاك الثعبان جالس يفحط في المكتبه منطلق من رف الى رف بعدين كان سريع جدا هو خاف من صياح الطالب وهم اصلا مخترعين منه واحد من الطلاب قال دقوا على الشرطة والا الثاني اللى يقول دقوا على الدفاع المدني لحسن الحظ واحد من اخويانا كان له خبره في الثعابين جاك الرجال وحشر الثعبان في زاوية ومسكه شافنا واحد من الطلاب قال لخوي اصقعه في الجدار الين يموت والله اني اقولها لكم وانا صادق على فكره اتضح في الاخر انه من اخطر الثعابين المهم انا جيت ومسوي فيها رامبوا قلت لخوي عطني الثعبان باخذه مع البيت ابيعه والا اسوي فيه اي شيئ رفض لانه عارف اني ما عندي سالفه في ذي العلوم حاولت فيه حتى اقتنع اعطاني اياه وعلمني كيف امسكه اخذت الثعبان ورحت حطيته فى كيس نايلون ضعيف جدا وحطيته في شنطة السياره قايلكم ما عندي سالفه


رحت المحاضرة الثانية وانا جالس افكر في الثعبان يا ترى كم بجيب لي والا كيف بروح لعيال الحارة واوريهم اني قوي
انتهت المحاضرة ورجعت للسيارة وشفت ذاك المنظر الله لا يوريكم لقيت اخونا في الله معلق بالطاره هيا كيف وصل للطاره المهم جيت فكيت الباب على اساس ابغاه يطلع من السياره بس وين الحبيب انطلق ودخل تحت المقعده هيا وش الدبرة حاولت اطلعه ما قدرت المهم دقيت على خوي وجى حولنا فيه بس ما في امل
اطالع تحت المقعده مالقيت شيئ الظاهر انه رجع الشنطة واللى راح هنا والا هنا شغلت السياره ورحت جالس اسوق السياره وانا ماسك على قلبي كل شوي اطالع تحت المقعدة والله رحمنا بمثبت السرعة ثبت السرعة ولا نزلت رجلي حتى وصلت البيت ما يالله وقفت السياره وخرجت منها بسرعة المهم جلست اعاني ثلاث ايام كل ما اروح لاسياره اشوفه متكي فيها واذا فكيت الباب اختفى دقيت على شركة مبيدات حشريه وبعدين جوني وبخوا بخاخ داخل السياره على اساس يطلع بس ما في امل في اخير جابوا مبيد قوي جدا على اساس يموته مرة وحده وبحمد الله كان له مفعول قوي اقل من خمس دقائق وما ندرى الا والثعبان ينط من اسفل السياره ويهرب --------

ايـــــــــــــــش رايكم


هيا الحين لو احد يقول لي ركب قطوه في سيارتك والله ماركبتها





هذي قصتي وسلامتــــــكـــــــــم



[align=center] نسيت اقولكم شيئ

-







-








-









يوجد مقطع فيديو من الفلم اللي سار لي لا يفوتكم[/align]