بسم الله الرحمن الرحيم


بعد حمد الله والصلاة والسلام على رسول الله محمد صلى الله عليه وسلم ,,,,,,,

اولا السلام عليكم ورحمة الله وبركاته ثم اما بعد :


يا خوان من جيت اطرح لكم مشكلتي هذي الي محيرتني مو مخليتني اتخذ اي قرار وجيتكم على ما يقولون عاني

ابي منكم المساعدة ،،،،،،، اتمنى كل من لديه حل لمشكلتي لا يبخل ،،،،،،،


يمكن كل منكم يقول وين المشكله الي يتكلم عنها ويطلب مساعدتنا فيهااا...؟؟.؟؟


يا اخوان ويا اخوان السالفه وما فيهاااا ...!!!!



ابيكم قبل لا اقولكم على السالفه تعرفون اشياء...!!!... وهي كمايلي :

انا وانت وهو هي واي واحد فينا يعرف النت ويعرف ويحط بباله ان لا يمكن يوم من الايام يصدق اي شخص او يثق فيه الا بعد يعني معرفه تامه وثقه كبيره يعني بعد فتره طويله من المعرفه او ربما تصل الى انه يجعل الطرف الثاني يمر باختبارات يتاكد فيها من انه شخص ثقه او غير موثوق فيه سواء اي الجنسين ،،،،،ويعني من هالاشياء بحيث يتاكد من مصداقيه هالشخص سواء كان هذا الشخص بنت او ولد ...
وانا بالنسبه لهذا الشي بصراحه عارفه وفاهم فيه ..!!!
اللحوسه الي فيه وعارف انه لا يمكن شخص من الاشخاص او في يوم من الايام يجي وااثق فيه سواء ذكر ولا انثى من الباب لطاقه ....على قولتهم ....!!!!!

يمكن يطلع واحد منكم يقولي يمكن هالشخص يحب هالشخص رغم ان هذا الشخص لا يكون عنده مصداقيه وراعي يعني تسليه بعكس الطرف الاخر وووش السواه في ذي الحاله ،،،، انا اقوله فكر بعقلك ولا تفكر بقلبك ..؟؟؟؟

واقوله خل العواطف على جنب ...!!!



المهم ياجماعة الخير انا الخلاصه من كلامي ذا الي فووق كله اني ابي افهمكم اني عارف هالاشياء قبل اني اقولكم على سالفتي الي اطلب منكم تساعدوني في حلهااا والي يساعدني والله له مني دعاء والله لدعي له من قلبي فاتمنى ما تبخلوا علي ياجماعةالربع ،،،، شباب ولا بنات ....!!!!




انا شخص ادخل النت واجد واعرف ناس فيه ووواجد وقدر الله علي بصراحه بكل شفافيه عرفت بنات وشباب كثير كثير

لكن يالربع من خلال من عرفت بالنت صدقوني ما كان يربطني باي واحد منهم اي علاقه او اي صداقه يمكن بس شباب


يعني كل الي بننا اخوه ولا اذكر يوم من الايام ولا كان بيطرا ببالي اني راح اعرف انسانه بصراحه ماشاء الله تبارك الله

بالصدفه عرفتها كنت بالبدايه ما اهتم فيهااا يعني زيها زي غيرها ،،،، مابيننا شي كانت عادي تدخل المسكينه وهي

ماتعرف بالنت ولا شي
من علمها؟؟؟؟
انا علمتها ....!!!

انا من افتخر واقول انا سويت وسويت لها واتمنن على الادميه لكن هدفي من ذا كله ،،، عشان ما تحكمون على البنت

وتقولن نصابه زي اي بنت بالنت وتدخل هذي نت هذي اكيد وراها بلاوي ،،،،،ويمكن الي خلاها تكلمك تكلم غيرك

لكن اذكركم اني انا الي علمتها نت ،،،،نتوقف هنا عند هذي النقطه..!!


* يا شباب كلامي موجه للشباب ،،، يمكن من وجهت نظر اكثر الشباب للبنت الي تدخل نت انها انسانه ضايعه
طيب تعال انت وانت بسالكم ..... هالحين انتي دخلت داخل قلب كل بنت وعرفت ليه تدخل النت ....!!!

لا طبعا صح ،،،، انت وانا وهو وفلان وعلان يدخل النت فلان ادمي يدخل عشان بتسلى ــ وفلان ادمي يدخل عشان يستفيد وفلان ادمي يدخل لغرض خبيث والله لا يبلانا بس وانتم يا شباب فاهمين علي ...!!!!!

طيب بالتالي البنات نفس الشباب في منهم تبي تضيع وقت تتسلى وفي منهم تبي تستفيد يعني هيك وهيك وما تعرف الله اعلم بالنوايا ،،،،،،، بس انا الي بسال عنه والي يعني استغربه من بعض الناس التشدد الزايد مع بناته واهله يقوول ولا ما تلمسين الكمبيوتر ولا تدخلين نت وتلاقيه هو الله اعلم بحاله ،،،،،


ليه ما للبنات حق بالنت ولا مو اودام يطفشون ولا يبون يستفيدون لكن مانبي نطول بالكلام عند ذي النقطه الخلاصه الي ابي اقوله ان للبنات حق زي ما انت وفلان وعلان حق في النت وفي غيره... ومو كل بنت تدخل النت بنت ضيعه لا .... ينتبه كل منا لا يحكم على الناس كذا ...!!!!

واصابيع يدينك مو سوا ،،،،،،

واذا فلان من الناس نظرته سلبيه فهذا يعني ،،،، يدل على انه يشوف الناس بعين طبعه يحسب غيره يستخدم النت غلط ولا ما عنده ثفه بالغير ....!!!!
زالنت سلاح ذو حدين ...!!!

____ الخلاصه : ان مو كل بنت و لا كل شاب يدخل النت يدخل وهو انسان خربان تعباان يدور خراب ،، بعيد عنا وعنكم ،، يالله لا تبلانا ،،،، لا اصابع يدينك مو سوا ,,,,

طيب مثلا شفت لك واحد يمشي بالسوق ولا بالشارع تقدر تحكم عليه وتقول عليه انه داشر خبران يعني بالعاميه صايع بعيد عنا وعنكم طبعا لا ...!!
اكيد لا ...
وكذلك
حتى بالنت كذلك مو كل من يدخل نت صايع ولا صايعه ..!!!

تدرون ليه فيه ناس كذا تتفكيرهم كذا سلبي ..!!!!

عده عوامل اول شي ان النت ذا شي جديد علينا يحس انه صعبه احد يدخل فيه يعني شي مستجد يبي له فتره يتقالم عليه ويفهم ....

نرجع لمحور حديثا نكمل سالفتنا ،، اعذورني طفشتكم طولت عليكم لكن ابي اطلع الي بقلبي ......!!!!.....!!!!!
عشان كذا تحملوني شوووي لا هنتم ..!!!










هالبنت من خلال الفتره الطويله ذي صح بالبدايه لقيت نوع من الصعوبه بيننا لكن ،،،، على ما يقول المثل الطيوور على اشبهاها تقع نفس طريقه التفكير نفس الا سلوب تقريبا سبحان الله ...!!!!


حسيت انها اهي الي تفهمني وانا اليافهمها وارتح لها وهي بعد ارتاحت لي ...!!!

من خلال معرفتي لها عرفتني وعرفت كل شي عني وعرفت عنها كل شي كل ما جا يوم تكبر بعيني زياده ما كنت اتخيل واتوقع انه في شخصيه بالشكل ذا...ماشاء الله تبارك الله ...مو اعجاب وبس الا والله حب من قلب !!!!

صح ما شفتها لكن الله اعلم اني احس انها جاذبيه غير طبعيه يكفي التربيه ولا اخلاقها وانها تفهمني وافهمها ..؟؟؟؟
ماشاء الله تبارك الله ...!!

ويمكن كل شاب وكل بنت يمكن يكون بباله صفات معينه لزوجه او شريكة العمر او الزوج وشريك العمر..!!!

فانا بصراحه وجدت واكتشفت انه تتطابق صفات البنت الي ببالي والي اتمنى تكون زوجتي يوم من الايام ..!!!

يمكن يبتادر لذهنك انت وياه تقولون يمكن وحده تنصب عليك ولا واحد لكن اقوولكم ما تمشي علي باذن الله انا تاكدت من كل شي ...؟؟؟؟؟


تدرون عاد يالربع اني ما كنت متخيل يوم من الايام الاقي آدميه وين بعد بنت....!!!! وحده بذي الصفات..!!!
لكن سبحان الله ربك من فووق ...!!!


ياناس صح اني ما قد شفتها بس صدقوني عرفت اشياء واجد عنها وهي بعد يعني قوة اعجاب بيننا مو طبيعيه
مع الايام تطورت هالعلاقه اقوى واقوى بيني وبينها والي خلقني يااني لو ما الاقيها اموت ولا خلاص احس اني بنجن مدري وش اسوي...!!!

وبعد احيطكم علما انها الي حبتني قبل ما احبها ..!!

وهي بعد تبادلني نفس الشعور هي يالربع تحبني اكثر من ما انا احبها اهي الي حبتني يا لربع بالبدايه وما كنت تحب تبين لي لاني بنيني وبينكم كنت شوي متشدد ما احب اعطي احد مجال معي..!!!

فما حبت تبين لي خوفا اني اجرح مشاعرها بكلام ولا شي واردها خايبه مكسوره ،،، يعني مسالت كرامه ،،،!!!!

يمكن يقول شخص انه يمكن تدخل من وراك وتلكم غيرك ...؟؟؟

يا جماعة الربع انا معلمها كل شي بالنت اغلب النت والكمبيوتر انا معلمها ،، ومتابع كل شي عنها وهي تثق فيني وانا اثق فيها ...!!! الحمد لله ..!!!

يا ناس المشكله ان العلاقه تطورت بيني وبينها انا زي ما قلت لكم عرفت كل شي عنهااا ..!!!!

انا فكرت وفكرت بعقلي قبل ,,,, ولا خليت عواطفي تغلب على .....ان شاء الله ..!!!
ولقيت فيها البنت الي تستاهل انها تكون بمثابت الزوجه الي تستاهل كل خير،،، اهم شي اني عرفت كل شي عنهاااا


هالحين انا ادمي ابي اوصل لاهل هالبنت ومانيب عارف كيف اوصل لهم ابي اخطبها على سنه الله ورسوله
نيتي خير وابي الخير ،،،،،

كيف اقوول اهلي ولا كيف اوصل لاهل هالبنت يكمن اخذ العنوان واجي بس كيف اتعرف عليهم ووش لون وش اقول لاهلي .. ووش اقول لاهلها ...؟؟؟

انا ما عندي مشكله باقول اهلي بس بيسالوني من وين عرفتهم هالناس وهم بعدين اكيد بيسالون من وين عرفتونا بحكم اننا ناس غربين عنهم من قبيلتين مختلفتين وبعد بمدينتين بعيده عن بعض .....!!!!

في هذي الحاله وش اقول ووش اسوي ،،،،، فكرت قلت باكلم واحد واسطه بيننا وبينهم واذا اسالوني اهلي اقول عرفتهم عن طريقه بس ممدري متردد وخايف ،،،،،


فعشاااااااااااااااااااااان كذا يالربع حبيت اطرح مشكلتي واتمنى الي عنده مساعده الله لا يهينه يقدر يساعدني يعطيني الحل الي عنده حل يعطيني اياه اتمنى ترودن علي الله لا يهينك وآسف على الاطاله وسلامتكم ..!!!



وصدقوني ما قلت وتجرات قلت الي ببالي الا والله انه من معاناه ـــ ومعتبركم اخوان لي والمسلم للمسلم كالبناين يشد بعضه بعضا ،،،،،،!!!!


آآمل اني ما تجاوزت الادب في كلامي ولا كان اسلوبي فض معكم ،،،،
وسامحوني اذا اني اطلت عليكم .....!!!!


وتقبلوا تحياتي / آآآآآملا منكم الرد في اقرب وقت ......!!!!!