قبل أعرفك كنت أحسبك كما نجمة سهيـل
ويوم شفتك أشرقت شمس عمري مع ضلال

في عيونك شفت انا سحر واسرار ودليـل
والوجان ورود جوري نبت فـوق الرمـال

أنهمر عطـره علـى جيـدٍ تغطـى بليـل
وأرتوينا من شرابه علـى غـض التـلال

يا محنّى الكف يالزيـن أنـا عابـر سبيـل
بك يهيم و يرتجي قلبـك يبادلـه الوصـال

يا معني القلب أنا كل عمـري بـك عليـل
داونـي والا غـدت بـي مقاديـر الليـال

ما يجي منك الهجر واعرف انه مستحيـل
وان حصل بصبر واحسبـه تغلّـي أو دلال

كيـف تحرمنـي شفـاة طعمهـا سلسبيـل
طعمها اذوقه أحلـى مـن المـاي الـزلال

و كم هلي قالو مع الناس نلقى لـك بديـل
قلت ماضنـي تلاقـون باوصافـه محـال

راكز النهدين فـي مشيتـه عـدل وميـل
كـل ميلـه مـن ردوفـه تنادينـي تعـال

صرت حاتم في غلاته وهـو يمـي بخيـل
كيف يوزن بالذهـب ثـم يعطينـي ريـال

من كثر ماذكر صفاته يحسبون انـي هبيـل
كلهـا حشمـة عيونـه تحاليـت الهـبـال

وان كتبته أو قصدته ما يزيد الهيـل هيـل
يكفي اني من عرفته صرت شاعر للجمـال

كل هذا في غرامـه وانـا اشوفـه قليـل
والعذر لي منه يغني عـن بيـوت طـوال


من البريد عساء تحوز على رضاكم
وتقبلووووووووو تحيات الشمري