[align=center]أبيات متواضعه كتبتها قبل فترة اتمنى ان تتناسب مع ذائقتكم الأدبيه[/align]



[frame="7 80"][align=center]غريبـة كيـف تشغلنـي ظنـونـي
وبعض الظـن فـي الخـلان عيبـه


وغريبـة كيـف اصـدق ماتقولـه
وثلاث اربـاع صدقـك فيـه ريبـه

صغر عقلـك وهقاويـك وغـرورك
تصـور لـك خيـالات(ن) عجيبـه

تقـول انـي اذا خالفـت شــورك
انـا للكـذب اقـرب مـن قريـبـه

واقول اخسـى وشـل ّ الله لسانـك
تموت .. تموت .. ما تلقى بي عيبه

كأن الكـذب مـا لامـس شفاهـك
وهو طبعـك ودوم(ن) ملتهـي بـه

تحسب انـي بمـوت مـن المحبـه
وغيابك عن هـوى قلبـي مصيبـه

حليلـك ماعرفـت انـي بشموخـي
أصـوب خنجـر لقلبـي وأصيبـه

ولا اخفض لك عشان الحـب هامـه
ولا ارخي لك مقامـات(ن) مهيبـه

انا بنـت الجنـوب اهـل المكـارم
انا نسـل الشيـوخ اخـت الشبيبـه

ابـوي اكـرم بدينـه مـن ظلالـك
وتعلـى حيـل لـو يلفحـك طيبـه

ولي عم(ن) ملـى هالكـون صيتـه
كبـار القـوم دوم(ن) تنتخـي بـه

ماهو مثلـك يتيـم مـن الرجولـه
يكـون محمـد القرني نسيـبـه

انا ارفـع مـن خيالاتـك وحلمـك
انا اصلي فوق مثلك وش ابـي بـه

ولو خليـت مـن الارض الرجولـه
ولا بالكون غيرك ما ارتضـي بـه

ولـو مـا صـار بالدنيـا سوالـف
ولابـه غيـر ذكـرك مـا اجيبـه

ولو طالت سنينـي وشـاخ عظمـي
ولو يغزي الشعر مليـووون شيبـه

ولـو قالـوا العنوسـه طاولتـنـي
ولابه غير زولـك مـا التـوي بـه

ابي اعنس ..واعنس..وهم باعنـس
ولا ايـدك طـرف ثوبـي تصيبـه

واذا الثامـن ورا السبـع العجايـب
يغصبونـي علـى قربـك غصيبـه

بحفـر القبـر باسنانـي وايدينـي
وامـوت وعزتـي ماهـي صويبـه

وسنيـن بتشـرق بدمعـك علـيّـه
ويجـف الـدم بعـروق(ن) رطيبـه

وتتوه بـأرض ربـك وانـت هايـم
وغريب تموت ..في أرض(ن) غريبه[/align][/frame][align=center]وسلامتكم

اختكم (موال )[/align]