قالت ،، كتبت البارحه ،شعر مكسور
قلت اكسريه ،، وكسّري ، قلب هاويه


الشعر مايحتاج من فمّك ،، بحور
يكفيه صوتك ،، يوزن احلا معانيه


الحب ، واشواقي ، ومبسمْك ، والنور
يشفع لكل بيتٍ ،، بقلبي تقوليه


ولاّ الشعر ،، حتى ولد عمّي منصور
توّه صغير ، ويطرق أعلا مبانيه


بس الجميل اللي ،، اذا ابدع سطور
غالي ويقصد بالغلا ،، يم مغليه


مافيه لا شاشه ،، ولا فيه جمهور
ماغير اشواقه ، وكفّك ،، وأياديه


قولي فديت اللّيل ،، لاصار منثور
ألاّ فديت الخد ،، يومه يواريه!!

قولي وهاتي ،، كل مكسور ومجبور
اللّيله كسر الشعر ،، فمّك يحلّيه


قالت،، وربّي خالق الماء والحور
انّي احبّك حب ،، مدري شسمّيه


مثل اللّي تشعل والسما برد ،، تنّور
واطفالها ،، جيّاع وتلعب حواليه


البارحه شبّيت قلبي لك ،، زهور
وجلست انادي كل طيفٍ ،، واباريه


طيف ابتسم لي ،، واصبح الشوق منثور
وطيف إحتظنته ،، صار يحكي واحاكيه


نعم احبّك ،، لين ماينفخ الصور
نعم احبّك من هنا ،، لين مافيه


يـ محمد بقلبي لك الشوق ،، معمور
ابن امّه مايقدر ،، يشيله ،، ويمحيه


واعاهدك ، عهد العصافير ،، للدّور
ماخون عشّك ،لا ، ولا يمكن انفيه



قلت الله الله كيف ماصير مغرور
طفله وتقصد فيني ؟ الله يــ التّيه


قالت كسرته ،، قلت لا ولله ( يانور )
لله در الشعر ،، دامك نظمتيه


أنتي قصيدك غير ،، مافيه مكسور
انتي كلامك شعر ،واحلا شعر فيه





من بريد جنون الليل
ينقلهاا لكم عساء
تحوز على رضااكم