البارحة جاني مـن الحـب مرسـال
من عقب ما بينـي وبينـه خصيمـة
xxxxxxxxxxxxxxxxxxxxxxxx
وانا ترى في الحـب مانيـب فعّـال
ولا بعـد ولّـع بقلبـي هشيـمـه
xxxxxxxxxxxxxxxxxxxxxxxx
ولا بعد غنّيت فـي ساعـة وصـال
ولا بعد ذقـت الفـراق وجحيمـه
xxxxxxxxxxxxxxxxxxxxxxxx
ولا جرى دمعي على الخـد همّـال
ولابعـد جربـت مــرّ الهزيـمـة
xxxxxxxxxxxxxxxxxxxxxxxx
حتى وردنـي تالـي الليـل جـوال
وانا على شاهي وبسكـوت ديمـة
xxxxxxxxxxxxxxxxxxxxxxxx
الرقم بايخ لكـن الصـوت قتـال
كنه مثل صـوت المذيعـة حليمـة
xxxxxxxxxxxxxxxxxxxxxxxx
قالت مساء الخير يـا طيّـب الفـال
قلـت ارحبـي ترحيبـةٍ مستديمـة
xxxxxxxxxxxxxxxxxxxxxxxx
بالعود والصفـري ودلـة وفنجـال
واجبك يا بنت الأصـول الكريمـة
xxxxxxxxxxxxxxxxxxxxxxxx
ردت بضحكة ثم قالت وش الحـال؟
قلت اشهد إن الحال عقبك سقيمـة
xxxxxxxxxxxxxxxxxxxxxxxx
قالت وهي تضحك بعد مثل الأطفال
وانـا بعـد كنـي بدونـك يتيمـة
xxxxxxxxxxxxxxxxxxxxxxxx
من يـوم قالتهـا تزلزلـت زلـزال
من فجعتي كنـي مسـوي جريمـة
xxxxxxxxxxxxxxxxxxxxxxxx
قلت ارفعي صوتك ترى مابه ارسال
كـذاب لكـنّ المصيبـة عظيمـة
xxxxxxxxxxxxxxxxxxxxxxxx
قالت أقول اسمع ترى هرجنـا طـال
ممكـن تصاحبنـي ترانـي وسيمـة
xxxxxxxxxxxxxxxxxxxxxxxx
واسمي الحقيقي أول حروفـه الـدال
لكـن يسمّونـي البنـات الزعيمـة
xxxxxxxxxxxxxxxxxxxxxxxx
صحيح أحب الفخفخة واعشق المال
لكـن ترانـي طاهـرة مستقيـمـة
xxxxxxxxxxxxxxxxxxxxxxxx
ما عندي امغازل ولا (لعب يهّـال)
ما عندي إلا في الشرف والحشيمـة
xxxxxxxxxxxxxxxxxxxxxxxx
بس الصراحة قلبي لشوفتـك مـال
واصبحت وحدك جالسٍ في صميمه
xxxxxxxxxxxxxxxxxxxxxxxx
فكّر بعقلك واترك القيـل والقـال
واحذر تطيع اهل العقـول العقيمـة
xxxxxxxxxxxxxxxxxxxxxxxx
وارسل علي الحين خمسميـة ريـال
أشحن بهـا جـوال أختـي غنيمـة
xxxxxxxxxxxxxxxxxxxxxxxx
أو طقم غالي فيه خاتـم وسلسـال
أروح بـه فـي عـرس ولاّ عزيمـة
xxxxxxxxxxxxxxxxxxxxxxxx
قلت الحقيقة مانيب رجـل أعمـال
ولانـي بتاجـر والمـوارد عديـمـة
xxxxxxxxxxxxxxxxxxxxxxxx
أنا الصراحة شبـه عطّـال بطّـال
وعلاقتـي بالفقـر جـداً حميـمـة
xxxxxxxxxxxxxxxxxxxxxxxx
والراتب الله يرحم الحـال مـا زال
محـدود والمصـروف ربـي عليمـه
xxxxxxxxxxxxxxxxxxxxxxxx
والدين بـالآلاف والبنـك شغّـال
ياكـل فلوسـي بالربـا والظليمـة
xxxxxxxxxxxxxxxxxxxxxxxx
والسوق طايح والغلا ضيّـق البـال
والموت والله صايـر اكبـر غنيمـة
xxxxxxxxxxxxxxxxxxxxxxxx
قالت تحمّل بـس والحمـل ينشـال
خلك شديد الباس صلـب العزيمـة
xxxxxxxxxxxxxxxxxxxxxxxx
ياخي تصرّف جعلك اتصيـر نشّـال
أهـم شـي إن النوايـا سليـمـة
xxxxxxxxxxxxxxxxxxxxxxxx
لابد تفهمني علـى كـل الأحـوال
ما دمت من أهل العقـول الفهيمـة
xxxxxxxxxxxxxxxxxxxxxxxx
قلت إيه والله فاهم اللي على البـال
لكن تـرى هـذي علينـا قديمـة
xxxxxxxxxxxxxxxxxxxxxxxx
يا بنت هـذا صايـر اليـوم مـوال
للي تبي تلعب علـى ابـن اللئيمـة
xxxxxxxxxxxxxxxxxxxxxxxx
يا بنت ما تدرين كـم فيـه محتـال
يلعب على الحبلين وانتـي غشيمـة
xxxxxxxxxxxxxxxxxxxxxxxx
يا بنت كم من جاهلة دمعها سـال
من عقب ما جات العواقب وخيمـة
xxxxxxxxxxxxxxxxxxxxxxxx
والبنت لا اقفى عرضها بيد الأنـذال
والله مـا يبقـى لهـا أي قيـمـة
xxxxxxxxxxxxxxxxxxxxxxxx
قالت تبي ولاّ فخلّك علـى جـال
مهوب ناقصـي نصايـح حكيمـة
xxxxxxxxxxxxxxxxxxxxxxxx
عز الله إنك للأسف منـت رجّـال
وانك قليل الذوق ما فيـك شيمـة
xxxxxxxxxxxxxxxxxxxxxxxx
يا لعنبو اللي مـا يسطّـرك بنعـال
حتـى يعلمـك الغـزل يـا بهيمـة
xxxxxxxxxxxxxxxxxxxxxxxx
( تفو ) عليك وصكّت الخط في الحال
مدري ( تفو ) هي مدح ولاّ شتيمـة
xxxxxxxxxxxxxxxxxxxxxxxx



منقوووووووووووووووووووووول