تسرقني اللحظات لاصرت ويـاك
كن الزمن غير الزمن في حضورك

من كثر ما أحبك ومن كثر ما أهواك
ومن كثر ما عيني تشفـق ظهـورك

حتـى مكانـك لاتركتـه تمـنـاك
مثلى ولا يبقـى لنـا الا عطـورك

نبكـي غيابـك ونتمنـى مـلاقـاك
ياللـي يعلمنـا المحبـه شعـورك

عطوف قلب وطيـب والله أعطـاك
من كل حسن وماطرى لك غرورك

ماترتويك العيـن ياللـي مراعـاك
يرد روحي فـي مهاديـب حـورك

أغليك فوق اللي تصـور ويهـواك
قلبي ويطرد وحشتي صبح نـورك

لو ما تسلي قلب الأشـواق ذكـراك
لاغبت ذاب من الحنيـن لمـرورك

الله يحفظـك ياحبيبـي ويـرعـاك
ويديم في دنيـا السعـادة سـرورك

ياللي لقيـت الحـب كلـه بدنيـاك
وزرعت عمري في شواطي بحورك


تحياااتي
غااامديه...