فـدوة عيونـك ماطلبـت إلا قليـلاً مـن كثيـر

كلـي حلالـك دام كفـك عنـد كفـي جاسـره

لكن أنا محتاج وصلـك لـن أبـو قلـبٍ فقيـر

يشوف كن أغصان صـدره مالجفـا متكاسـره

حتى الضلووع أللي لها هيبـه وخفّـاقٍ شطيـر

تجيك عوجٍ ضاميـاتٍ مـن لحمهـا حاسـره !

خايف .. يمر العيد ماشفتـك ولا عـلّ النضيـر

واخاف اعوّد خاسـرٍ عيـدي وشوفـك خاسـره

ماعاد فيني حيـل لافـارس ولا عنـدك أسيـر

غلبتني وأنا شجـاع .. وتذبـح أللـي تاسـره

من وين أجيب الصبر ؟ ياااقِلّه .. ولاحولي شوير

والضيق سلعة سوق وإعروق الحشا سماسِـره

تغيّرت ألانفس .. وشح الصدق .. وإنكف البصير

هذا زمن عدواته جهـر .. وغـلاه مساسـره !!