تفاصـيـل الـحـيـاة

الـى منـي علـى فراقـك بكـت عينـي دمـوع كثـار
وجـف الدمـع مـن عيـن ٍ بكـت مـن بعـد غاليـهـا

والى مني شربـت السـم ... تجرعـت العـذاب امـرار
رضيت امشي على جمـرك .. رجولـي النـار تكويهـا

والـى منـي نطقـت الاه ... تذكـرت الجـرح والنـار
تذكـرت الحيـاة الـلـي غـصـب عـنـي سلبتيـهـا

تفاصيـل الحيـاة عنـدي انمحـت مـن دفتـر الاقـدار
تفاصيـل الحـيـاة كـانـت جميـلـه قـبـل لاتجيـهـا

ضحك .. بسمه .. مزح .. لعبه .. امل عايش بدون اسرار
ولـد يلعـب مـع اصحابـه .. رمـى الدنيـا وبلاويهـا

قمر .. نجمة .. شمس .. غيمة .. بساتين الورد وازهـار
ونـيـة صافـيـه جـــداَ .. وكـيـبـة ماتلاقـيـهـا

قلـوب تحـن ماتقسـى .. تسامـح حتـى دون اعــذار
ابـدا مانـعـرف الكـذبـة .. ولا نــدري بمعانيـهـا

وجيتـي انتـي ياوجـه الله .. جميلـه وتلفـت الانظـار
وصـار الكـل يتمنـى ... يبـيـع عـمـره ويشريـهـا

وجيتيني انا المسكين وقلتـي القلـب هـو اللـي اختـار
وصـار اكبـر حلـم عنـدي .. اقـوم ابـوس خديـهـا

تدلعتـي وتغتجتـي ... لعبتـي بــي يمـيـن يـسـار
وخططتـي معايـه صـح ... علـى فـكـرة لعبتيـهـا

وغيرتـي تفاصـيـل الحـيـاة حـتـى بــلا انــذار
قلبـتـي لعنـبـو ابلـيـسـك .. اولـهــا وتالـيـهـا

حزن .. تكشيره .. وبلوة .. ويـأس ٍ يقصـف الاعمـار
قلق .. ضيقـه .. نكـد يرسـل همومـه فـي نواحيهـا

ورد ميت .. زهر ذبـلان .. ولا حتـى ظـلال اشجـار
حسد .. غيره .. ضنون وكذب .. بـلاوي انتـي جبتيهـا

يميـن الله وعهـد الله قـسـم لاخــذ لقلـبـي الـثـأر
لا وريكـي نجـوم الظـهـر ... وبعيـونـك تشوفيـهـا

ابـي ذيـك الحيـاة تعـود ياويلـي مـن عنـا الاسفـار
تعبت اتبع دروب الحـب تعبـت امشـي فـي خطاويهـا

اليـن الله يفرجهـا .. والاقـي مــن تـحـب وتـغـار
ولو هي بأخـر العالـم ... لاروح الهـا فـي اراضيهـا


وسلامتكم يالغالين ,,,,,