بسم الله الرحمن الرحيم

السلام عليكم ورحمة الله وبركاته

شباب السعووودية ... اللي يزعل رجاء لا يدخل ... فكاهي بس قوي

وأرجو منكم أ، تكووون روحكم رياضية

اوكي ؟؟؟!!

إذن هيا بنا نبدأ



شـــــــــــــــــباب مكـــــــــــة:


معروفين بالمشاكل والمضاربات ..ومن شروط المضاربه لديهم أنه يكون لديك ساطور أو
سكين .. وياويلك اذا دخلت حارة وعملت مشكله مع اي واحد منهم .. صدقني وقتها راح
ينزل لك منتخب كاااامل زي منتخب كذا.. وعاد مااحرق عليكم الباقي .
بس للأمانة فهم شبااااب دمهم خفيف مبسوطييين دائماً .. مايعترفو بكلمة مااقدر..
يعني لو قلت لاي واحد منهم هيا بنا نمرح .. يقولك اوف كوررس وفي رواية "قداااام"
ومفردهم مكاوي وجمع المذكر السالم مكاويين .. وعلى راي المثل "تيتي تيتي .. زي
ماروحتي زي ما جيتي اكس فل كامل!!"
وفيه مثل اعجبني يقول "اذا معاك ساندوتشه .. لاتروح المطعم انتبه بعدين< يدحكوووو عليك "
ومن العبارات الشائعة لديهم مثل .. "ودين صلاة امي" .. "ياواد سيب الهيامه" ..
"استنا شويه دحينا اهرجوووو" " مكة حقنااااا"

ويا حبهم للفلسفه .. في كل شي عارفين ..وما فيه احد تسآله ويقولك ما اعرف.
اهتمامات البعض منهم منصبه على كرة القدم مع انه ماادري فين يلعبوها
كل الدنيا عندهم جبال.. الترفيع بدباب جي تي ..


نصيــــحة مكاوية:

لاتترك سيارتك مفتوحه اذا نزلت عند السوبر ماركت.. هذه النصيحة برعاية اسواق بن داود!!
^
^
تراها مجربة وحتى لو السيارة مقفلة بيشيلوا طاسات السيارة هههههه



شـــــــــــــــبـاب الطـــــــائف


عاد من السهل التعرف عليهم بدون الحاجه إلى معامل مخبرية او تشريح ..
راح تعرفهم من طريقة لبسهم للطاقيه ... من شروط اختيار الطاقية المناسبة أن يكون
إرتفاعها 150سنتيمتر وعرضها 5 سنتيمتر ولازم تكون اكثر من 10 ادوااار.. لما تمشي بينهم تحس انك ماشي بين ناطحات سحاب مو بشر ويرتدون طواقي..

مشاء الله عليهم دائماً تجد فيهم النشاااط والحيويه لدرجة انهم مايناموا في الليل
ويتصف شباب الطائف بأنه البعض منهم عدواني.. واذا مثلاً صادف انه عينك جات في
عينه .. راح يتمدد صدره ويشمر فكرني عن ساعديه ويقولك : خير!! ايش فيك تطالع ؟؟ خخخخخخ يوم ما كنت في برحة القزاز

وعليهم محشاااااات رهيبه لاتفوتكم.. وكله كوم والسواقه عندهم كوم .. تحس انهم
جالسين يلعبو درايفر ( بلاوي ستيشن على قول بعض الناس)
وبعدين تمسك معاهم على اهتمامات او احلام البعض منهم: .. الا لفلفه في الشوارع
.. او بلوووت سبحان الله يستفيدو منها في حاجه مفيدة!!.. التخرج من الثانوية العامة
بتقدير جيد ويشتري دباب اربع كفرات ويشتغل عليه ((سياااره صغيره حقه تحميل))< ما الؤمهم نظراً لتدني سعر صرف الدولار مقابل ( صرف عشرة رياال يا الشباب )!!
او تشتري قراندي موديل 88 وتسدح خشمها بالارض وهاتك تلميع في الكفرات
والصدام ..بزيت فرامل <
ومن ثم التوجه الى منتزه الردف ويجب أن يكون بحوزتك شريط لمزعل فرحان او
فهد بن سعيد ويكون مسرررررع<(ارجع وحط شده على حرف الراء)..

نصيــــحة:

إذا كنت مدرس في الطائف فخليك أخلاق واعطي درجات ..اشبها من جيبك والا والله تنجلد في الطلعه؟؟


شـــــــــــــــباب جـــــــــــــــدة:


اهلا وسهلاً .. بما أني اعرفكم عز المعرفة فما راح اوفيكم حقكم من الحش ..
قصدي الحديث عنكم ..
منتشر بين البعض منهم الكذب بصورة كبيرة ومخيفه .. مثلا:
امس رقمت خمسة بنااااات وراء بعض !! ( احسن ياريكي مارتن الغفله) ---> هههههههههههه

وعليهم تقليعاتهم غريبه .. زي اللي كاتب على سيارتهEminem او
< ليه انا اسم امي ماكتبته على سيارتي Nana!!
وبالقوة يبغو يقلدوشباب امريكا .. whathab man اوhi brother !!
دائماااااا على السنتهم حتى صارت بدلا من السلام عندهم
< وفيه بعض الشباب حاط على صدره 10 كيلو سلاسل[على باله مضاد للصواريخ]
وبعضهم يلبس اقمصه عليها شعارات واحرف غريبه وهوا والله مو داري ايش
معناها---> ترى بعضها يكون معناها مو كويس

اما اهتماماتهم :
الفشخره الكذابه – الطفش .. اي واحد تساااله يقولك :طفشااااان---> زي البس اسيوووون +تشجيع الاتحاد+ سرقة الايميلات---> والله متكي عمنا لا شغل ولا مشغلة ما لقاله الا ازيه الناس

نصيــــحة

لاتذهب هذا المساء من البيت اذا فاز الاتحاد ... صدقني راح تكره حياتك !! ----> اسأل مجرب والله حاله , الله المستعان


شـــــــــــــــباب المدينـــــــــة:


مدري ليه شايفين نفسهم .. يتكلم شويه وبعدين يقول اناااا من المدينة ...
على عيني وراسي من المدينة بس اعصابك !!

وعندهم قهوة مشهوره اسمها ابو .. والله ناسيه .. المهم انها ابو حاجه لو ضربتك فيها لنسدحت صريعاً ..
ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم ..

نصيـــــحه

بطلـــــووو غــــــزل ..


شــــــــــــــــباب ينـــبـــــــــــع:


يوووه بصراحه تخاف منهم .. فعندهم ثقافة شباب الطائف ومكة وجدة بالاضافة الى
ثقافتهم الخاصة والتي تعتبر غريبه . . فإذا كنت ماشي على رجلك في ينبع
( تلفها في خمسة دقائق !! ) فراح تجد انه الكل يضرب لك بوري هاه مشواااااار وانت طنش واعمل نفسك ابكم عشان يطفشوا منك وينقلعو.........


نصيــــحة :

انته مهدد بالطفش والأنحرااااف .. واحسن حاجه اشتري بلاي ستيشن واجلس في
البيت .. ولاتفكر تطلع مره!!


شبـــــــــــاب الريــــــــــــاض :


: رأس مالهم الشماغ والعقال .. دائماً لابسينها .. مشاء الله عليهم مشخصين في كل وقت
وفي كل مكان < صار نسكافيه!! .. تجدهم مشخصين عند الأكل .. عند النوم .. عند
الحلاق ..عند الاشارة تكون الساعة.....
وبعضهم اذا شال الشماغ عن راسه راح تشوف جزر اندونيسيا في راسه---> انا قلت بدوون زعل , طبعا مو الكل .
واصحاب مصانع الاشمغة مستغلين مدى تعلق الشباب بالاشمغه وحبهم لها..

وكل شهر نازل شكل جديد .. مساكين الواحد ما يلحق يتهنى ويفرح بالشماغ اللي اشتراه ..
وعندهم قمة الترفيه والترويح عن النفس أنك تطلع القهوة مع اصحابك

بس انته قول السعوديه فازت .. وتعال شوف الجنااااان ..
اهتماماتهم .. مشاهدة افلاااام التفحيط ... دخول الشات ثم كتابة عبارات غريبه

التسجيل في المنتديات بأسماء معبره .. ( ضفدع مضيع نظارته,, ضب اطخم ,, دولاب المطبخ ( ....
الترقيم وتطفيش البنات .. مطاردة الضبان وتعذيبها ..

نصيــــحه :

لاتلعب معهم إورقه (بلوت) ماعندهم تفاهم .. شويه ويضربوك عشانك سرحت شويه عن اللعب ..هذا ظلم يا شباب !!.


شــــــــــــباب القصيـــــــــــــم:


مايحتاج تعريف

الله يحفظهم
بس بعضهم مرررره ماتقدر تاخذ وتعطي معاهم شايفين انفسهم .. ومره لاغين المنطقة الغربيه من قاموسهم !! طبعا مو كل الناس بس الاغلبية.
عندهم لغة خطيييييييييييييييييرة مرررررررررررررررررة
مثلا : الآيس كرييم يسموها عسكرييم --------> ههههههههههههههههههههه


شــــــــــــباب الدمــــــــــــام :


رهيبيين وتحف في نفس الوقت.. بس كرهونا في مطعم الطازج وباباهباس كل مره وعازمين بعض فيه ..
ياشباب استحووو غيرو المطعم وماعندهم سيره الا سوق الراااشد ..
اهتماماتهم : يجيد البعض منهم التحدث باللغة الروسية والاوكرانية والاشتراكية < وجميع دول الاتحاد السوفيتي السابقة-----> أحلا عندهم ثقافة لغوية .


شــــــــــــــباب االجنـــــوب :


ونعم الشباب .. ولكن يلاحظ عليهم نقل الكلام !!..
" سعييييييييد اظهر له كاااامري جديده وفيها بيجر ياخه < يقصد جرس السرعة!!
واذا مثلا ً عطست فالخبر راح ينتشر في كل مكان والله فلان عطس ويمكن يطلعو عليك
اشاعة انك مصاب بحمى الوادي المتصدع؟؟؟---> هههههههه عاملين فيها دكاترة
لكن تجي لضيف اذا جاء عندهم ياساتر على البلشه الضيف يكره الروحه عندهم من كثر الأهتمام والكرم الي يحرج الواحد ومع هذا ماحد يقدر يستغني عنهم ..
لكن يضل يميزهم كرمهم وطيب اصلهم عن كل المناطق..


نصيــــحه :

اذا ودك تروح عند احد كضيف خذ معك كيس صامولي لأنك راح تمل من المفطحات وإلا تاكل غصب ماعندهم تفاهم..



شــــــــــــــباب جيــــــــــــــــــزان :



ما ام خبر قماعه ؟؟ يعني مدري كيف ابدا معاكم لكن دعوني احاول ...
فيهم خفة دم من غير مايقصدون.. حاجه فطريه عندهم والواحد ماوده يقوم من الجلسه معهم ..

والكثير منهم يعتبرو محترفين في لعبة "الكيرم " وما شاء الله عليهم لسااان يهز جبل
ولكن بيظل فيه هناك شباب من جيزان فيهم الكرم والصدق والطيبه ..


نصيــــحه:

الوصول إلى هذه النصيحة غير مسموح به .. الرجاء منك أنك تأخذ لفه وتحط ملفك عندنا .. وهذا وجهي لواتصلنا عليك



اتمنى محد يااااااااخذ بخاااطره

وترااه مو على كل الناس ينطبق هادا الكلام ولكن الاكثر

واتمنى أن تكوون روحكم رياضية

تحياتي للجمييع



م ن ق و ل

بحذافيررررررررررررره وجريمتي الوحيده اني نقلته لكم