للقدر شكرا وللصدفة ثنائي = يومها بك عرفتني يا الحبيب
.
الوله قد صار في بعدك كسائي = وكل وقت(ن) دون همساتك كئيب
.
لويجيني من سبب حبك عنائي = راضي(ن) لو زاد جورك يا النصيب
.
ايه انا شاعرك والفكر الروائي = لاجل حبك صرت رومنسي واديب
.
وانت بايدك يابعد روحي دوائي = اي وربي انت لجروحي طبيب
.
ان بنيت الشعر في حبك بنائي = وان كتبت النثر يسعى لك مجيب
.
ولو باغني والله انه لك غنائي = وجعل صوت مايغني لك عطيب
.
في غيابك مايصبرني عزائي = الله لايجعلك عن عيني تغيب
.
والله ان حبك غدا ارضي وسمائي = وانك المشرق بعيني والمغيب
.
في وجودك صارت الدنيا ورائي = ما اشوف الا انت لين اكبر واشيب !
. . . .