أستغفر الله مـن كثـر مانـي أغليـك
أحس نفسـي عايشـه لجـل احبـك
فرض(ن) علي وصلك وذكرك وطاريك
وواجب علي احب صـدك وقربـك
وماهو كفايـه دام انـا ميتـه فيـك
مهمـا أقــدم ماأوفـيـه حـبـك
ياتاج راسي وش بقـى منـي اعطيـك
مدام كلـي جـاك يمشـي بدربـك
شفت التراب اللي تدوسـه مواطيـك
فـي ذمتـي يسـوى عيونـه محبـك
أشري ثرى ماطاك باانفـاس مغليـك
واقبـلـه وافخرمـدامـي بقلـبـك
واحن عليك اكثر من امك وآداريـك
كنك طفل بعروق مـن هـو يحبـك
يشغلني الهاجـوس لاغبـت آحاتيـك
ويزيـد خوفـي وادعـي الله ربــك
إنـه يحفظـك ياحبيبـي ويبقـيـك
لخلك ويبعد عنـك همـك وكربـك
لو في يدينـي داخـل العيـن اخبيـك
محد(ن) يشوفك غير من هو سهر بـك
لك في ضلوعي قصر ياشـوق تمليـك
صكه بيـدك حافظـه منكتـب بـك
ماحد(ن) سكن قبلك ولافيه تشكيـك
ولااحد(ن) بيسكن به مدامـه يحبـك
وراعي القصر لاصارت يديـه بيديـك
وش له بكل الكون دامـه ربـح بـك
يزهد بغالي ماعلـى الكـون ويجيـك
ويرمي قلوب الكـل ويضـم قلبـك
ولي عين لاجابوا لـه النـاس طاريـك
دمعه يطيـح وتحسـد اللـي بجنبـك
ولي قلب بعروقه غرس حبـك وفيـك
ينبـض قصايـد لاتنفـس مهـبـك
ولي روح ترحل لك على البعد وتجيـك
وتسامـرك بالشـوق وتنـام قربـك
ولي حرف مايزهى إذا ماانكتب فيـك
يجيبـك لشعـري أسـاس ويصبـك
وتصير وزن الشعر وشوقـي قوافيـك
والبحر حبـك وآآه ياعمـق غبـك
ياآســري كيــــف ماأغليـــــــك ؟؟؟
ووشلون اعبر عن خفوقن غـرق بـك
دام المشاعر حايـره كيـف توفيـك
وتوفي شعور(ن) داخلي محتفـل بـك
لاتلومني لاقلت أنـا بكلـي افديـك
وأني أنا بعيـش مـن شـان احبـك
]