السـلام عليكم ورحمة الله وبركاته
لروعتـهــا نلقتــهــا لكم
جف الكلام . . ومدّت يدينها لــ فوق
اخترت هذي .. وأنت شف لك سحابه
قلت ويديني تحتضنها مــثــل طــوق
اخترت هذي .. هذي أكثر رحابــــه
هذي دفا صوت ٍ من البرد مخنــوق
هذي سؤال ٍ نصف عمري جوابــه
هذي هي اللي عرفتني على الشوق
هذي .. قدر ما كنت حاسب حسابه
قطعة حزن في جيب بالي ومشقوق
ومضة فرح في عيون ناس ٍ غلابه
إن سولفــت في ثغــرها لمعة بروق
وأن سرّحت في عيونها صمت غابه
وليا اضحكت : نورٍ من الفجر مسروق
وليا بــكــت : تحزن عليها الـــكـــآبــه !
حبي لها لو أدري إن فيه مخلــــوق
قد حب مثله . . قلت : يا للغــــرابه !
هالآدمي من وين له قلب وعروق
والصبر هالمسكين من وين جابــه !؟
وأنا أتكلم .. ردت عيونها لــ فوق
ثم تمتمت .. من هي هالأكثر رحابه !؟
قلت ويديني تحتضنها مثل طــوق :
في ذمتي ما أشوف غيرك سحابه
في ذمتي ما أشوف غيرك سحابه
في ذمتي ما أشوف غيرك سحابه
ولكم خالص احترامي وتقـديري
أخوكم /أبوأهداب الخالدي